پاکستان ریڈیو کے بعد آر جے خالد ملک اب “دی معیاری انٹرٹینمنٹ شو” کی کریں گے میزبانی

پاکستان ریڈیو کا حصہ بننے والے آر جے خالد ملک اب ایک ویب ٹاک شو ” دی معیاری انٹرٹیمنٹ شو ” میں قسمت آزمائی کریں گے۔

وہ لوگ جو سٹی ایف ایم 98 پر صبح 7 بجے خالد ملک کے ‘دی بریک فاسٹ ‘ شو، ان کے لطیفوں، ان کی آواز کو یاد کرتے ہیں تو ان کے لیے ‘معیاری انٹرٹینمنٹ شو’ کافی اہمیت کا حامل ہوسکتا ہے۔

سن 2000 کی دہائی میں پاکستانی ریڈیو کا اہم حصہ قرار دیے جانے والے آر جے خالد ملک اب ویب ٹاک شو میں قسمت آزمارہے ہیں۔ مذکورہ شو کا اعلان خالد ملک نے رواں ماہ کے اوائل میں انسٹاگرام پر شیئر کی گئی ایک پوسٹ میں کیا تھا۔

 

View this post on Instagram

 

A post shared by Khalid Malik (@khalidmalik)

انہوں نے شیئر کی گئی ویڈیو میں معیاری انٹرٹینمنٹ شو کو ‘پاکستان کا سب سے بڑا نیو برانڈ شو ‘ قرار دیا تھا۔ شیئر کی گئی ویڈیو میں خالد ملک کو کہتے ہوئے دیکھا جاسکتا ہے کہ ‘ سب سے بڑے نیو برانڈ شو میں خوش آمدید جہاں معیار گیا بھاڑ میں’۔

پرومو میں انہوں نے مزید کہا کہ ‘اس شو میں آپ جیت پائیں گے ڈھیر سارے انعامات اور ہمارے ساتھ ہوں گے اور ہمارے ساتھ معیاری اور غیر معیاری مہمان شریک ہوں گے’۔

یہ بھی پڑھیں : اپنے لیے خاموش رہنے والے پاکستانی کس حق سے فلسطین کے لیے احتجاج کررہے ہیں، کرسچن بٹزمین کی تنقید