قومی ایئرلائن (پی آئی اے) چھ ماہ سے ریاض ایئرپورٹ اتھارٹی کی نادہندہ نکلی۔

سعودی اتھارٹی نے واجبات کی ادائی کیلئے حتمی وارننگ جاری کر دی، سردیوں میں فلائٹ کے شیڈول کو واجبات کی ادائیگی سے مشروط کر دیا گیا۔

یہ بھی پڑھیں:

وارننگ لیٹر کے مطابق پی آئی اے نے ریاض ایئرپورٹ اتھارٹی کے 82 لاکھ ریال ادا کرنے ہیں۔ قومی ایئرلائن کو واجبات ادا کرنے کیلئے 15 جولائی کی ڈیڈلائن دی گئی ہے۔

ذرائع کے مطابق بروقت ادائیگی نہ کی گئی تو پی آئی اے کے ونٹر سلاٹ میں کمی بھی کی جا سکتی ہے۔ پی آئی اے کو جدہ ایئرپورٹ کے واجبات کی عدم ادائیگی پر بھی وارننگ مل چکی ہے۔ ترجمان پی آئی اے نے تصدیق کی ہے کہ ریاض ایئرپورٹ اتھارٹی نے واجبات کا ریمائنڈر دیا ہے۔