گوگل نیوز پر ہمیں فالو کریںوزیر اعظم عمران خان کی سابقہ اہلیہ ریحام خان نے گزشتہ روز پنجاب انسٹیٹیوٹ آف کارڈیالوجی کے واقعے میں صوبائی وزیر فیاض الحسن پر تشدد کی مذمت کرتے ہوئے تحریکِ انصاف کی حکومت پر کڑی تنقید کی ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں ریحام خان نے کہا کہ پنجاب کے صوبائی وزیر فیاض الحسن چوہان کے ساتھ جو ہوا وہ اچھا نہیں ہوا، اس کی مذمت کرتی ہوں۔
وزیر اعظم کے خلاف کتاب لکھنے والی ریحام خان نے فیاض الحسن سمیت دیگر وزراء کو تنقید کا نشانہ بناتے ہوئے کہا کہ حکومتی وزراء کو خود اپنی حیثیت اور عوام میں مقبولیت کا اندازہ ہونا چاہئے۔
ریحام خان نے کہا کہ عوام میں حکومت کے خلاف شدید غم و غصہ پایا جاتا ہے۔ ایسے میں وزراء ہیرو بننے کی کوشش کریں گے تو ایسا ہی ہوگا۔
فیاض الحسن چوہان کے ساتھ جو ہوا اچھا نہیں ہوا۔ میں اس کی مذمت کرتی ہوں لیکن حکومتی وزراء کو خود اپنی حیثیت اور عوام میں مقبولیت کا اندازہ ہونا چاہیے۔
عوام میں حکومت کے خلاف شدید غم و غصہ پایا جاتا ہے ایسے میں وزراء ہیرو بننے کی کوشش کریں گے تو ایسا ہی ہوگا۔
— Reham Khan (@RehamKhan1) December 11, 2019
یاد رہے کہ اس سے قبل پاکستان پیپلزپارٹی کے چیئرمین بلاول بھٹو زرداری نے کہا کہ لاہور کا واقعہ مکمل احتساب کا متقاضی ہے۔ہم پارلیمان پر حملہ آور ہونے والی پارٹی کے اقتدار میں آنے کے بعد بدترین فاشزم کے گواہ بنے۔
پیپلزپارٹی کے چیئرمین بلاول بھٹو زرداری نے لاہور واقعے کے حوالے سے ٹویٹر پراپنے بیان میں کہا کہ آج لاہور میں دل کو دہلادینے والے مناظر دیکھنے کو ملے۔انہوں نے کہا کہ پنجاب کے دارالحکومت میں ایک مکمل انارکی کی حالیہ لہر نظر آئی۔
انہوں نے کہا کہ ہم پارلیمان پر حملہ آور ہونے والی پارٹی کے اقتدار میں آنے کے بعد بدترین فاشزم کے گواہ بن رہے ہیں۔انہوں نے کہا کہ وکلاء نے اسپتال پر حملہ کیا، ایسا تو دوران جنگ بھی نہیں ہوتا، یہ گراوٹ کی نئی سطح ہے۔
مزید پڑھیں: لاہور کا واقعہ مکمل احتساب کا متقاضی ہے۔ بلاول بھٹو زرداری
