وزیراعظم کاریگولیٹری اتھارٹیز کو کارٹیل اور مافیاز پرکڑی نظر رکھنے کا حکم

اسلام آباد :ریگولیٹری اتھارٹیز عوام کے حقوق کے تحفظ کیلئے کلیدی کردار ادا کر رہی ہیں، اتھارٹیز کارٹیل اور مافیاز کیخلاف بھی اپنا کردار ادا کریں۔

ریگولیٹری اتھارٹیز کے سربراہان کے اجلاس کی صدارت کرتے ہوئے وزیراعظم نے کہا کہ ریگولیٹرز کو قانونی اور ریگولیٹری تقاضوں کی موثر نگرانی اور تعمیل کو یقینی بنا کر عوامی مفادات کا تحفظ کرنا ہوگا۔

مزید پڑھیں:خواجہ آصف کیخلاف کیس،وزیراعظم نے بیان حلفی عدالت میں جمع کرادیا

وزیراعظم نے کارٹیلز اور مافیاز پر نظر رکھنے کے لیے ریگولیٹری اتھارٹیز کے موثر کردار پر زور دیا۔انہوں نے تمام ریگولیٹرز کو ہدایت کی کہ وہ جن شعبوں کو ریگولیٹ کر رہے ہیں ان کی ترقی کے لیے خدمات کے معیار اور انصاف کو یقینی بنائیں۔

دریں اثنااسلام آباد میں قومی رحمت اللعالمین اتھارٹی کے ایڈوائزری بورڈ کے پہلے اجلاس کی صدارت کرتے ہوئے وزیراعظم نے کہا کہ رحمت اللعالمین اتھارٹی نبی کریم حضرت محمد خاتم النبیین کی تعلیمات اور سیرت کو عملی جامہ پہنانے میں مدد کرے گی۔

انہوں نے کہا کہ اتھارٹی کا مقصد نوجوانوں میں نبی کریم حضرت محمد خاتم النبیین صلی اللہ علیہ وسلم کی سیرت کے بارے میں آگاہی پیدا کرنا ہے تاکہ وہ اس پر عمل کر سکیں۔