آفریدی کی دبنگ ویڈیو وائرل ہونے کے بعد بھارتی آگ بگولہ ہوگئے

پاکستان کرکٹ ٹیم کے سابق آل راؤنڈ اور سابق کپتان شاہد آفریدی کی سوشل میڈیا پر ایک ویڈیو وائرل ہوئی ہے جس میں وہ آزادکشمیر میں موجود ہیں اور پاکستانی فوج کے جوان کے ساتھ کھڑے ہیں

اس ویڈیو میں شاہد آفریدی نے بات کرتے ہوئے کہا کہ کورونا وائرس بہت بڑی اور خطرناک بیماری ہے لیکن اس سے بھی بڑی بیماری مودی ہے، جو بے گناہ کشمیریوں پر ظلم کررہا ہے۔

https://twitter.com/MM_CricketPK01/status/1261995335347568643

شاہد آفریدی کا کہنا تھا کہ مودی کو اس ظلم کا دنیا میں تو جواب دینا ہی ہوگا ساتھ ہی آخرت میں اس کو ظلم کا جواب دینا ہوگا، ان کا مزید کہنا تھا کہ میں یہاں آکر بہت خوشی محسوس کررہا ہوں۔

دوسری جانب شاہد آفریدی نے ایک دن پہلے اپنے بیان میں کہا تھا کہ کشمیریوں کی اذیت اور تکلیف کو سمجھنے کے لئے کسی مذہبی عقیدے نہیں، دردمند دل کی ضرورت ہے۔

شاہد آفریدی نے اپنے سوشل میڈیا اکاؤنٹ پر کشمیر سے متعلق پیغام میں کشمیر بچاو(#SaveKashmir) کا ہیش ٹیگ بھی استعمال کیا۔ جسے ہزاروں لوگوں نے پسند کیا۔شاہد آفریدی متعدد بار مقبوضہ کشمیر میں ہونے والے مظالم کے خلاف آواز اٹھاتے رہے ہیں۔