گوگل نیوز پر ہمیں فالو کریںکراچی: رینجرز اور اے این ایف نے مشترکہ کارروائی کرتے ہوئے کروڑوں روپے مالیت کی منشیات برآمد کرلی ہے۔
ترجمان رینجرزکے مطابق پاکستان رینجرزسندھ اوراینٹی نارکوٹیکس فورس(اے این ایف) نے انٹیلی جنس معلومات کی بنیاد پر کراچی کے علاقے شاہ لطیف ٹاؤن عبداللہ گوٹھ میں مشترکہ کارروائی کی۔
مشترکہ کاروائی کے دوران منشیات فروشی میں ملوث 2ملزمان صدام حسین اور احسان اللہ کو گرفتار کرکے ان کے قبضے سے 174کلو سے زائدمنشیات برآمد کر لی ہے۔
ترجمان سندھ رینجرز کے مطابق برآمد شدہ منشیات کی مالیت تقریبا ایک کروڑ روپے ہے۔ترجمان سندھ رینجرز نے بتایا کہ گرفتار ملزمان کوبمعہ منشیات مزید قانونی کارروائی کے لیے اینٹی نارکوٹیکس فورس کے حوالے کر دیا گیا ہے۔
مزید پڑھیں: بلوچ کالونی پولیس نے موٹر سائیکل چوری میں ملوث 2 ملزمان گرفتار کرلیے
