گوگل نیوز پر ہمیں فالو کریںوفاقی دارالحکومت اسلام آباد سمیت ملک کے مختلف شہروں میں بارش سے موسم خوشگوار ہوگیا، بعض شہروں میں بارش کے باعث سردی کی شدت میں اضافہ بھی نوٹ کیا گیا ہے۔
تفصیلات کے مطابق کراچی میں رات گئے تیز ہواؤں کے ساتھ مٹی کا طوفان اور بارش ہوئی۔ صدر، لکی اسٹار، گرو مندر اور جناح برج کے علاقوں میں بارش ہوئی۔ متعدد علاقوں میں آندھی کے باعث بجلی کی فراہمی بھی معطل کردی گئی۔
اسرائیل اور حماس کے درمیان جنگ، سندھ پولیس کے اہلکار بھی تیار
نیو کراچی، نارتھ کراچی، عزیز آباد، ایف بی ایریا اور کریم آباد کے علاقوں میں بجلی کی فراہمی معطل کی گئی۔ ایک گھنٹے بعد برقی رو کا سلسلہ بحال کردیا گیا۔ بہاولپور میں بھی تیز آندھی کے ساتھ موسلادھار بارش ہوئی۔
سلانوالی، پیر والا، جلال پور، علی پور اور اوچ شریف، بورے والا، نور پور تھل، بھکر اور ملتان میں بھی بادل برسے۔ متعدد علاقوں میں واپڈا نے بجلی کی سپلائی معطل کردی۔ خیبر پختونخوا کے مختلف شہروں میں بھی بارش ہوئی۔
شب قدر اور شانگلا میں بارش جبکہ پارا چنار میں تیز بارش کے ساتھ ساتھ ژالہ باری بھی دیکھی گئی۔ پہاڑی علاقوں میں ہلکی پھلکی برف باری سے سردی کی شدت میں اضافہ ہوا۔ اسلام آباد میں بھی بارش کے باعث سردی بڑھ گئی ہے۔
