گوگل نیوز پر ہمیں فالو کریںلاہور: وزیر ریلوے شیخ رشید احمد کا کہنا ہے کہ ملک میں گیس نہیں ہے اور آٹا بھی مہنگا ہوگیا ہے لیکن وزیراعظم عمران خان کے علاوہ آپشن نہیں ہے۔
لاہور میں پریس کانفرنس کے دوران وزیرریلوے شیخ رشید احمد نے کہا کہ اپوزیشن لیڈر شہباز شریف جس کام کے لیے لندن گئے ہیں انہیں وہ کرنے دیں۔نوازشریف کی صاحبزادی مریم نواز اور شہباز شریف کے خلاف سنجیدہ کیسز آنے والے ہیں۔
شیخ رشید احمد کاکہنا ہے کہ اپوزیشن لیڈر شہبازشریف میری پارٹی کے آدمی ہیں جب میں کہوں تب ہی واپس آئیں گے اور اگر وہ واپس آنا چاہتے ہیں تو اسلام علیکم۔
انہوںنے کہا کہ یہ سارے لوگ سوچ سمجھ کر ہی ملک سے باہر گئے ہیں، میں نے کہا تھا کہ تابوت بھی یہیں سے نکلے گا اور ثبوت بھی یہیں سے آئیگا،ان کا کہنا تھا کہ نواز شریف واپس نہیں آرہے اور مریم نواز بھی فی الحال اپنے والد کے پاس نہیں جارہی ہیں۔
وزیر ریلوے شیخ رشید احمد کا کہنا تھا کہ بہت ساری افواہیں چل رہی ہیں لیکن کچھ نہیں ہوگا، میں نے پہلے ہی کہا تھا کہ آرمی ایکٹ سے متعلق پاکستان پیپلز پارٹی اور ن لیگ تعاون کرے گی، انہوں نے دعویٰ کیا کہ نیب آرڈیننس پر بھی پردے کے پیچھے تعاون جاری ہے اورامید ہے الیکشن کمشنر کے معاملہ بھی اتفاق رائے سے حل ہوگا۔
مزید پڑھیں: نئے پاکستان میں آٹا ختم، تندور بند ،کیا عوام لنگر سے روٹی کھائیں ؟، مریم اورنگزیب
