گوگل نیوز پر ہمیں فالو کریںلاہور:کالعدم تحریک لبیک پاکستان (ٹی ایل پی) کے سربراہ سعد رضوی کو رہا کرنے کا لاہورہائیکورٹ کا فیصلہ پنجاب حکومت نے سپریم کورٹ میں چیلنج کردیا۔
پنجاب حکومت کی جانب سے سپریم کور ٹ میں دائر درخواست میں مؤقف اختیار کیا ہے کہ کالعدم ٹی ایل پی کے سربراہ سعد رضوی کی نظر بندی ختم کرنے اور انہیں رہا کرنے کے حکم میں قانونی تقاضے پورے نہیں کیے گئے۔
پنجاب حکومت کی جانب سے دائر خواست میں مزید کہا گیا ہے کہ لاہور ہائیکورٹ کو نظر بندی کے بارے میں تفصیلی ریکارڈ بھی فراہم کیا گیا لیکن عدالت نے نظر بندی ختم کر دی۔
پنجاب حکومت کی جانب سے دائر خواست میں استدعا کی گئی کہ کالعدم تحریک لبیک پاکستان کے سربراہ سعد رضوی کی نظر بندی ختم کرنے اور انہیں رہا کرنے کا فیصلہ کالعدم قرار دیا جائے۔
مزید پڑھیں: حافظ سعد رضوی کو 6 ماہ بعد کوٹ لکھپت جیل سے رہائی مل گئی
