گوگل نیوز پر ہمیں فالو کریںلاہور: پی ٹی آئی قیادت نے سابق وزیر اعظم عمران خان کی گرفتاری کے خلاف روزانہ احتجاج کا فیصلہ کیا ہے، جس کا اعلان پی ٹی آئی کی سینئر قیادت نے کیا۔
تفصیلات کے مطابق پی ٹی آئی قیادت نے کارکنان کو ہر روز پر امن احتجاج کی ہدایت کی ہے۔ سینئر قیادت بشمول شاہ محمود قریشی اور صوبائی صدر پرویز خٹک نے کارکنان کو ہدایات دے دیں۔
ملک پر حملہ آور لوگوں کے خلاف کارروائی ہوگی،مریم اورنگزیب
سابق وزیرِ دفاع پرویز خٹک کا کہنا ہے کہ ہم عمران خان کی رہائی کیلئے احتجاج کو پر امن رکھیں گے۔ ہر یونین کونسل، ولیج کونسل اور نیبر ہوڈ کونسل کی سطح پر مظاہرے کیے جائیں گے۔
اس سے قبل سابق وزیر اعظم عمران خان نے سپریم کورٹ میں درخوست دائر کرتے ہوئے اسلام آباد ہائیکورٹ کے گرفتاری درست قرار دینے کے فیصلے کو غیر قانونی قرار دینے کی استدعا کی۔
آج سے 2 روز قبل قومی احتساب بیورو (نیب) نے رینجرز کی مدد لیتے ہوئے چیئرمین پی ٹی آئی عمران خان کو القادر یونیورسٹی ٹرسٹ کیس میں حراست میں لے لیا۔ عمران خان پر ہونے والے تشدد پر پی ٹی آئی کارکنان مشتعل ہیں۔
تحریکِ انصاف نے ملک گیر مظاہروں کا سلسلہ جاری رکھا ہوا ہے۔ پولیس نے شہر شہر چھاپہ مار کارروائیاں کیں جن کے دوران متعدد پی ٹی آئی رہنما اور درجنوں کارکنان گرفتار ہوچکے ہیں۔
