گوگل نیوز پر ہمیں فالو کریںکراچی: پاکستان اسٹاک مارکیٹ میں کاروباری ہفتے کے پہلے روز ملا جلا رجحان دیکھنے میں آیا، دوران ٹریڈنگ مارکیٹ میں 250 پوائنٹس کی تیزی بھی دیکھنے میں آئی۔
اسٹاک مارکیٹ میں سرمایہ کاروں نے حصص فروخت کرکے منافع کمانے کو ترجح دی، یہی وجہ ہے کہ مارکیٹ 61 پوائنٹس کمی کے بعد 100 انڈیکس 46 ہزار 539 پوائنٹس کی سطح پر پہنچ کر بند ہوا۔
دوسری جانب کاروباری ہفتے کے پہلے روز ڈالر کی طلب میں اضافے کے سبب اس کی قیمت میں اضافہ ریکارڈ کیا گیا، انٹربینک میں ڈالر 99 پیسے اضافے سے 182 روپے 54 پیسے پر بند ہوا جبکہ اوپن مارکیٹ میں ڈالر ایک روپیہ اضافے سے 183 روپے پر فروخت ہوا۔
معاشی تجزیہ کاروں کا اس حوالے سے کہنا ہے کہ قرض و سود کی ادائیگیاں اور درآمدات کے باعث زرمبادلہ کے ذخائر میں مسلسل کمی کا رجحان جاری ہے جس کے سبب ڈالر کی قیمت میں ا ضافہ ہورہا ہے۔
مزید پڑھیں: موجودہ حکومت توانائی بحران حل کرنے کی صلاحیت رکھتی ہے، مفتاح اسماعیل
