مصر میں خوش نصیب نمازی کی دوران سجدہ روح پرواز کر گئی، ویڈیو وائرل

قائرہ : مصر کا ایک خوش نصیب شخص کی اپنی دکان کے اندر نماز پڑھتے ہوئے روح پرواز کر گئی ہے۔ دکان میں نماز پڑھنے والے شخص کا انتقال عین اس وقت ہوا جب وہ سجدے کی حالت میں تھے۔ ویڈیو سوشل میڈیا پر وائرل ہو رہی ہے۔

خوش نصیبی کی موت کم کم لوگوں کے نصیب میں آتی ہے۔ موت ایسی ہو کہ آسمان والے بھی رشک کریں۔ سماجی رابطے کی ویب سائٹ ٹوئٹر پر ایک ویڈیو وائرل ہو رہی ہے، جس میں دیکھا جاسکتا ہے کہ مصر کا شہری اپنی دکان کے اندر نماز ادا کررہا تھا جب اس کی روح پرواز کر گئی۔

بالفيديو.. وفاة شاب مصري أثناء صلاة قيام الليل بمقر عمله
.#الشارقة_للأخبار #الإمارات #مصر pic.twitter.com/Y25M7m1WCN

— الشارقة للأخبار (@Sharjahnews) October 3, 2021

جاں بحق ہونے والے شخص کی شناخت احمد السید کے نام سے ہوئی ہے جو شادی شدہ اور تین بچوں کا باپ تھا۔ سوشل میڈیا پر ویڈیو وائرل ہونے پر صارفین نے ان کی مغفرت کی دعا اور ایسی موت پر رشک کا اظہار کیا۔

دکان پر لگے سی سی ٹی کیمرے میں دیکھا جا سکتا ہے کہ دکان کے اندر ایک شخص نماز ادا کر رہا ہے اور جب وہ رکعت کا دوسرا سجدہ ادا کرتا ہے تو اچانک سیدھا لیٹ جاتا ہے اور اس کی روح جسم سے پرواز کرجاتی ہے۔

واضح رہے کہ رواں سال جون میں لاہور کے علاقے ڈیفنس میں مسجد کے پیش امام نماز جمعہ سے قبل سجدے کی حالت میں انتقال کر گئے تھے۔ مسجد میں موجود نمازی انہیں اسپتال لیکر گئے جہاں ان کے انتقال کی تصدیق ہوئی تھی۔

عینی شاہدین کے مطابق مولانا عمر ابراہیم سنتوں کی ادائیگی کے دوران ایک سجدے کے بعد دوسرے سجدے کی حالت میں چلے گئے اور کافی دیر نہیں اٹھے تو نمازیوں کو تشویش ہوئی جب انہیں اٹھانے کی کوشش کی گئی تو معلوم ہوا کہ وہ خالق حقیقی سے جا ملے ہیں۔