گوگل نیوز پر ہمیں فالو کریںاسلام آباد: وزیراعظم شہباز شریف نے کہا ہے کہ ملک میں الیکٹرک گاڑیوں کے استعمال کو فروغ دینے کی منصوبہ بندی کررہے ہیں جس کیلئے متعلقہ چارجنگ انفراسٹکچر کا نیٹ ورک بھی قائم کیا جائے گا۔
وزیراعظم شہباز شریف نے وزارت تجارت و صنعت ، وزارت بجلی و توانائی اور سرمایہ کاری بورڈ سے کہا کہ وہ الیکٹرک گاڑیوں کے شعبے میں دلچسپی رکھنے والے سرمایہ کاروں کو ہر ممکن سہولت فراہم کریں۔
انہوں نے کہا کہ ملک کو توانائی کے ذخائر میں خود کفیل بنانے کے لیے قابل تجدید توانائی کے وسائل تیار کرنے کی اشد ضرورت ہے۔
وزیراعظم شہباز شریف نے 10,000 میگا واٹ کے سولر پراجیکٹ کے آغاز کے لیے حکومت کی طرف سے دی گئی حالیہ منظوری کا ذکر کیا۔
انہوں نے کہا کہ شمسی منصوبہ نہ صرف ماحولیاتی آلودگی کو کم کرے گا بلکہ مہنگے درآمدی ایندھن پر انحصار کم کرکے سستی بجلی کی پیداوار کو بھی یقینی بنائے گااوراس طرح قیمتی زرمبادلہ کی بچت ہوگی۔
نااہلی افسوسناک، مخالفین کو پھانسنے کے جال عمران خان نے بنے۔سعد رفیق
وزیراعظم کی زیرِ صدارت اجلاس میں پبلک ٹرانسپورٹ کے لیے الیکٹرک بسوں کے حوالے سے تجاویز پیش کی گئیں اور دنیا بھر میں الیکٹرک گاڑیوں کے بڑھتے ہوئے استعمال پر بھی اپ ڈیٹ کیا گیا۔
اُن کا کہنا تھا کہ الیکٹرک گاڑیوں کی صنعت اور انفراسٹرکچر کی ترقی سے ملک کے درآمدی بل میں نمایاں کمی آئے گی اور غیر ملکی سرمایہ کاری اور روزگار کے مواقع بھی کھلیں گے۔
