گوگل نیوز پر ہمیں فالو کریںاسلام آباد: وزیر اعظم پاکستان عمران خان ایک روزہ دورے کے لیے آج داتا کی نگری لاہور پہنچیں گے اور وزیر اعلیٰ پنجاب عثمان بزدار، گورنر پنجاب چوہدری محمد سرور اور دیگر سے ملاقاتیں کریں گے۔
وزیر اعظم پنجاب کابینہ کے اہم اجلاس کی صدارت کریں گے جس کے دوران انہیں صوبائی وزراء اور اراکین اسمبلی کی کارکردگی اور محرم الحرام کے دوران امن و امان کے انتظامات سے آگاہ کیا جائے گا۔
یہ بھی پڑھیں: کشمیر کے ساتھ پوری قوم کا اظہارِ یکجہتی دُنیا کے لیے ایک ٹھوس پیغام ہے۔آرمی چیف
اس دوران وزیر اعظم پاکستان عمران خان لاہور کی سکھ کمیونٹی کے اجلاس سے بھی خطاب کریں گے اور انہیں حکومت پنجاب کی طرف سے کمیونٹی کی سہولت کے لیے کیے جانے والے اقدامات سے بھی آگاہ کیا جائے گا۔
یاد رہے کہ اس سے قبل یکجہتی کشمیر آور کے موقعے پر وزیر اعظم پاکستان عمران خان کہہ چکے ہیں آج سارا پاکستان کشمیریوں کے ساتھ کھڑا ہے ہم کشمیر کی آزادی تک ہر فورم پر کشمیر کی جنگ لڑیں گے۔وقت آگیا ہے کہ بھارت کو سبق سکھایا جائے۔
مزید پڑھیں: سارا پاکستان کشمیریوں کے ساتھ ہے، ہر فورم پر کشمیر کی جنگ لڑیں گے۔وزیر اعظم
