گوگل نیوز پر ہمیں فالو کریںعالمی ومقامی مارکیٹوں میں سونے کی قیمتیں تاریخ کی نئی بلند ترین سطح پر پہنچ گئیں۔
رپورٹ کے مطابق بین الاقوامی سطح پر خالص سونے کی وقفے وقفے ڈیمانڈ آنے، افراط زر بڑھنے کے خدشات، کساد بازاری اور مختلف ممالک کی حکومتوں کی خریداری سرگرمیوں کے باعث بین الاقوامی اور مقامی سطح پر سونے کی قیمتیں تاریخ کی نئی بلند ترین سطح پر پہنچ گئی۔
بین الاقوامی بلین مارکیٹ میں فی اونس سونے کی قیمت 31ڈالر کے اضافے سے 3052ڈالر کی نئی بلند ترین سطح پر پہنچنے سے مقامی صرافہ مارکیٹوں میں بھی جمعرات کو 24 قیراط کا حامل فی تولہ سونے کی قیمت 3200 روپے کے اضافے سے 3 لاکھ 21 ہزار روپے کی نئی بلند ترین سطح پر آگئی۔
اس کے علاوہ فی 10گرام سونے کی قیمت بھی 2743روپے کے اضافے سے 2لاکھ 75ہزار 205روپے کی نئی بلند ترین سطح پر آگئی۔
اسی طرح فی تولہ چاندی کی قیمت 105روپے کے اضافے سے 3580روپے کی سطح پر آگئی اور فی دس گرام چاندی کی قیمت بھی 90روپے کے اضافے سے 3069روپے کی سطح پر آگئی۔
