گوگل نیوز پر ہمیں فالو کریںکراچی :سینئر سیاستدان و معروف تاجر رہنماء زاہد اعوان نے کہا ہے کہ ملک میں غریب کی شرح بڑھتی جارہی ہے، مہنگائی اور بیروزگاری نے عوام کو جرائم پر مجبور کردیا ہے۔
حکومت کی فرسودہ پارلیمانی نظام ختم کرکے صدارتی نظام رائج کرے۔ ان خیالات کا اظہار انہوں نے سیاسی و سماجی رہنمائوں کے اجلاس سے خطاب کرتے ہوئے کیا۔
زاہد اعوان نے کہا کہ موجودہ حکومت سابقہ حکومتوں کی کرپشن اور بداعمالیوں کا خمیازہ بھگت رہی ہے۔ انہوں نے کہا کہ حکومت انسانی فلاح یا سماجی بہبود کیلئے کوئی بھی اقدام اٹھانے کی کوشش کرتی ہے تو مافیا حکومت کے آڑے آجاتا ہے۔حکومت کی ہر کاوش مافیا اور کرپٹ بیوروکرسی کی وجہ سے ناکام سے دوچار ہورہی ہے۔
انہوں نے کہا کہ موجودہ حکومت مافیا کے ہاتھوں بے بس ہوچکی ہے، ملک میں غربت، مہنگائی ، بیروزگاری بڑھتی جارہی ہے ، روزگار نہ ہونے کی وجہ سے لوگ جرائم کی راہ اختیار کررہے ہیں، مسائل کے انبار بڑھتے جارہے ہیں اور لوگوں میں بے چینی میں اضافہ ہونے کی وجہ سے خانہ جنگی جیسے حالات پیدا ہوسکتے ہیں۔
مزید پڑھیں: عمران خان اور مافیاز
