صدر ٹرمپ کیساتھ ملاقات مفید رہی، عمران خان نے اہم امور اٹھائے،شاہ محمود قریشی

ڈیووس: وزیر خارجہ شاہ محمود قریشی نے کہا ہے کہ وزیراعظم عمران خان کی امریکی صدرڈونلڈ ٹرمپ کے ساتھ ملاقات مفید رہی، وزیر اعظم نے اہم امور اٹھائے، صدرٹرمپ نے جلد دورہ پاکستان کی یقین دہانی کرائی۔

شاہ محمود قریشی کا کہنا تھا صدر ڈونلڈ ٹرمپ سے بہت اچھے ماحول میں ملاقات اور گفتگو ہوئی، اس ملاقات میں امریکی صدر کی پوری ٹیم موجود تھی، انہوں نے کہا کہ ہم نے ایف اےٹی ایف کا معاملہ اٹھایا اور ٹرمپ سے تعاون کی بات ، وزیراعظم عمران خان نے امریکی صدر ٹرمپ سے سفری ہدایات نرم کرنے کی بات کی جبکہ ملاقات میں فیصلہ کیا گیا امریکی تجارتی وفد بھی پاکستان آئے گا۔

مزید پڑھیں: عالمی اقتصادی فورم: ڈیووس میں بہترین پروگرام جاری ہے،امریکی صدر ٹرمپ

وزیرخارجہ شاہ محمود قریشی کا کہنا تھا وزیراعظم عمران خان نے مقبوضہ کشمیر کی صورتحال صدر ٹرمپ کے سامنے رکھی جبکہ صدر ٹرمپ نے مسئلہ کشمیر پر تشویش کا اظہار کیا۔

وزیرخارجہ شاہ محمود قریشی نے یقین دلایا مقبوضہ کشمیر کے مسئلے پر بات کریں گے، امریکی صدر ٹرمپ کو ایران کے معاملے پر تشویش سے آگاہ کیا جبکہ صدر ڈونلڈ ٹرمپ سے افغان امن عمل کو آگے بڑھانے پر بات بھی ہوئی، انہوں نے بتایا کہ ٹرمپ نے کہا وہ عمران خان کو پسند اور ان پر اعتماد کرتے ہیں۔