گوگل نیوز پر ہمیں فالو کریںصدر رجب طیب ایردوان کی حلف برداری کی تقریب سے روانگی کے موقع پر وزیر اعظم شہباز شریف اور ترکیہ کے صدر اور خاتون اول ایمنے ایردوآن میں خوشگوار انداز میں دل دلچسپ گفتگو ہوئی، جس میں پاکستانی آموں کی بھی بہت زیادہ تعریف ہوئی۔
روانگی کے موقع پر وزیر اعظم پاکستان نے ترک صدر سے کہا “کہ ہمارے عوام آپ کے انتخاب پر بہت خوش ہیں، ترکی کے عوام سے بھی زیادہ۔ آپ کی دعوت کا بہت شکریہ، آپ نے اپنی خوشیوں میں ہمیں شریک کیا۔” وزیراعظم نے صدر ایردوآن کو کہا کہ “ہم آپ تمام اہل خانہ کو مبارک پیش کرتے ہیں اور نیک تمناؤں کا اظہار کرتے ہیں۔”
انہوں نے کہا “کہ اس خوشی کے موقع پر آپ کے لئے آموں کا تحفہ لایا ہوں۔ آدھے آم اپنے بھائی اور آدھے اپنی بہن کے لئے ہیں۔” شہباز شریف کی بات پر صدر ایردوان اور ان کی اہلیہ بے ساختہ مسکرا دئیے اور شکریہ ادا کیا۔
صدر ایردوان نے مسکراتے ہوئے کہا کہ ’’مجھے علم ہے کہ پاکستان کے آم بہت لذیذ اور میٹھے ہوتے ہیں۔” بیگم ایردوان نے بھی شکریہ ادا کیا۔ صدر ایردوان نے تقریب میں آمد اور نیک تمناؤں کے اظہار پر وزیر اعظم شہباز شریف کا خصوصی شکریہ ادا کیا۔
