گوگل نیوز پر ہمیں فالو کریںکیف: روس کی جانب سے یوکرین میں جاری بمباری کے نتیجے میں اسپتال میں دھماکے کے دوران حاملہ خاتون اور نوزائیدہ بچے کی ہلاکت نے عالمی ضمیر کو جھنجھوڑ کر رکھ دیا۔
غیر ملکی میڈیا کے مطابق ماریو پول کے اسپتال میں خاتون کو زچگی کیلئے لایا گیا تو اسی اثناء میں اسپتال میں دھماکہ ہوگیا اور خاتون بھی اس واقعہ میں بری طرح متاثر ہوئی، خاتون کو انتہائی تشویشناک حالت میں اسپتال سے منتقل کرنے کی کوشش کی گئی تاہم اس دوران بچے کی مو ت واقع ہوگئی۔
ڈاکٹرز کے مطابق دھماکے میں خاتون کا کولہا ٹوٹ گیا تھا اور پیلوس کا حصہ بھی بری طرح متاثر ہوا اور بچے کی محفوظ ولادت کے امکانات کم ہونے پر آپریشن کی کوشش کی گئی تو بچہ مرچکا تھا جبکہ ماں بھی کچھ دیر بعد انتقال کرگئی۔
مزید پڑھیں:یوکرین تنازعہ، مغربی ممالک کی کوشش ہے کہ ہم نادہندہ ہوجائیں۔روس
اسپتال کا کہنا ہے کہ دھماکے کی وجہ سے خاتون کی تفصیلات درج نہیں کی گئیں اور واقعہ کے بعد اہل خانہ خاتون اور بچے کی لاش لے کر چلے گئے۔
