گوگل نیوز پر ہمیں فالو کریںکراچی: درخشاں پولیس کی سی ویو پر واقع ڈالمن مال کے قریب بروقت کارروائی، اسٹریٹ کرائم کی وارداتوں میں ملوث 2ملزمان گرفتار کرلئے۔
ذرائع کے مطابق ملزمان سی ویو پر واقع ڈالمن مال کے قریب شہریوں سے لوٹ مار کر رہے تھے.اسی دوران قریب موجود درخشاں پولیس کی گشت پر مامور پولیس موبائل اطلاع پا کر فوری موقع پر پہنچ گئی۔
پولیس نے نہایت دانشمندی سے ملزمان کا گھیرآؤ کیا اور بغیر کسی مزاحمت کے ملزمان کو گرفتار کرلیا، ملزمان کے قبضے سے 1 عدد غیرقانونی پستول اور شہری سے چھینے ہوا پرس اور ATM کارڈ برآمد کرلئے گئے۔
ملزمان کا تعلق پنجاب کے شہر بہاولپور سے ہے جو اسٹریٹ کرائم کی وارداتوں کے لئے کراچی آتے اور پھر واپس چلے جاتے ہیں، ملزمان اس سے قبل بھی بہاولپور تھانہ صدر بغداد میں ڈکیتی کی وارداتوں میں ملوث ہونے پر گرفتار ہوکر جیل جا چکے ہیں۔
مزید پڑھیں:کراچی پولیس کی کارروائیاں،11مقابلوں میں ایک ڈاکو ہلاک،13 گرفتار
گرفتارملزمان شہر بھر بالخصوص ڈیفنس کلفٹن میں اسی نوعیت کی متعدد کارروائیاں کر چکے ہیں، ملزمان کا سابقہ کریمنل ریکارڈ چیک کیا جا رہا ہے جبکہ ملزمان کے خلاف مقدمہ درج کرکے مزید تفتیش کی جارہی ہے۔
