گوگل نیوز پر ہمیں فالو کریںفیصل آباد:پاکستان مسلم لیگ (ن) کے سابق صوبائی وزیر رانا ثناء اللہ نے فردوس عاشق اعوان کے بیان پر حکومت کو کھلا چیلنج دیتے ہوئے کہا ہے کہ حکومت نواز شریف کو لندن سے ڈیپورٹ کروا کر دکھائے۔
وزیر اعظم کی معاونِ خصوصی فردوس عاشق اعوان کے بیان پر ردِ عمل دیتے ہوئے ن لیگی رہنما نے کہا کہ چیلنج دیتا ہوں کہ فردوس باجی اپنے بیان پر یوٹرن لے لیں گی۔ اپنے دعوے پر عمل ضرور کریں۔
سابق صوبائی وزیر رانا ثناء اللہ نے کہا کہ حکومتی عہدیدار کی بد زبانی نے مسلم لیگ (ن) اور سابق وزیر اعظم کے چاہنے والے لاکھوں افراد کی دل آزاری کی۔یہ لوگ نواز شریف کے کام پر اپنی تختیاں لگا رہے ہیں۔
مسلم لیگ ن رہنما نے کہا کہ فردوس عاشق اعوان کہہ چکی ہیں کہ نواز شریف کو لندن سے نکلوانے کے لیے حکومتِ برطانیہ کو خط لکھا جائے گا۔ خط ضرور لکھیں تاکہ عوام کو جھوٹ اور سچ کا پتہ چلے۔
یاد رہے کہ اس سے قبل مسلم لیگ ن کے رہنماء رانا ثناء اللہ خان نے کہا کہ پی ٹی آئی سے اتحادیوں سمیت 22 کروڑ عوام بھی ناراض ہیں۔ اتحادی پی ٹی آئی کی کشتی سے جتنا جلدی چھلانگ لگالیں بہتر ہے۔
رانا ثناء اللہ نے گزشتہ ماہ میڈیا سے گفتگو کرتے ہوئے کہا کہ مقدمے میں اب تک 10 پراسکیوٹرز کو 6 کروڑ روپے دیئے گئے، اپنے شہریوں کیخلاف ہی منشیات کے جھوٹے کیسز بنانا شرم کی بات ہے۔
مزید پڑھیں: اتحادی پی ٹی آئی کی کشتی سے چھلانگ لگالیں۔ رانا ثناء اللہ
