گوگل نیوز پر ہمیں فالو کریںاسلام آباد :پاکستان مسلم لیگ ن نے دسویں قومی مالیاتی کمیشن کے قیام کو اسلام آباد ہائیکورٹ میں چیلنج کردیا ہے۔
مسلم لیگ ن کے رہنما خرم دستگیر نے 12 مئی کے نوٹیفکیشن کے خلاف درخواست دائر کردی ہے۔
درخواست میں صدر مملکت عارف علوی کے سیکریٹری کے علاوہ سیکریٹری کابینہ ، فنانس ڈویژن ، سیکریٹری قانون اور مشیر خزانہ عبدالحفیظ شیخ کو اس معاملے میں فریقین کے طور پر نامزد کیا گیا ہے۔
درخواست میں کہا گیا ہے کہ وفاق اور صوبوں کے مابین مالی وسائل کی مساوی تقسیم کی ذمہ داری قومی مالیاتی کمیشن پر عائد ہے جبکہ فنانس ڈویژن کے نوٹیفکیشن کے مطابق صدر پاکستان نے 23 اپریل کو 11 رکنی کمیشن تشکیل دیدیا ہے۔
مسلم لیگ (ن) کی درخواست کے مطابق مشیر خزانہ اور وفاقی وزیر خزانہ کو شامل کرنے سے پہلے گورنروں سے مشاورت ضروری ہے لیکن نوٹیفکیشن میں کسی صوبائی گورنر سے مشاورت کا ذکر نہیں کیا گیا ہے۔ درخواست میں اعتراض اٹھایا گیا ہے کہ آئین کے آرٹیکل 160 میں طے شدہ طریقہ کار کی خلاف ورزی کرتے ہوئے ممبروں کی تقرری نہیں کی جاسکتی ہے۔
مزید پڑھیں: اٹھارہویں آئینی ترمیم پر وفاق اور سندھ حکومت کی چپقلش، وجوہات کیا ہیں؟
