اسلام آباد: وزیرِ اعظم عمران خان نے اپوزیشن رہنماؤں کے پشاور جلسے پر ردِ عمل دیتے ہوئے کورونا وائرس کی دوسری لہر کے دوران ملک بھر میں مکمل لاک ڈاؤن سے خبردار کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ پاکستان میں کورونا وائرس کی دوسری لہر سے متاثرہ افراد کی معلومات تشویشناک ہیں۔ وینٹی لیٹرز پر منتقل کیے گئے مریضوں کی تعداد میں گزشتہ 15 روز میں اضافہ ہوا۔
پیغام میں وزیرِ اعظم عمران خان نے کہا کہ گزشتہ 15 روز میں پشاور اور ملتان میں 200، کراچی میں 148، لاہور میں 114، اسلام آباد میں 65 فیصد اضافہ ہوا جبکہ ملتان اور اسلام آباد میں وینٹی لیٹرز کی گنجائش 70 فیصد استعمال ہوئی۔
کورونا وائرس سے متاثر دنیا بھر کی صورتحال کا حوالہ دیتے ہوئے وزیرِ اعظم عمران خان نے کہا کہ دنیا بھر میں کورونا کی دوسری لہر جاری ہے جس کے دوران پورے پورے ملک بند کردئیے گئے۔ پاکستان میں پی ڈی ایم جان بوجھ کر جلسے کر رہی ہے۔
Pakistan's second COVID 19 spike data is of concern: Increase in Covid patients on ventilators in last 15 days: Peshawar 200%, Multan 200%, Karachi 148%, Lahore 114%, Islamabad 65%. Multan & Isb Covid ventilators capacity utilisation 70%. Across the world there is a second spike
— Imran Khan (@ImranKhanPTI) November 22, 2020
پیغام میں وزیرِ اعظم عمران خان نے کہا کہ پی ڈی ایم نے عوام کی زندگیاں اور روزگار داؤ پر لگا رکھا ہے اور اگر کورونا کے کیسز اسی شرح سے بڑھتے رہے تو ہم بھی پورا ملک بند کردیں گے جس کا ذمہ دار اپوزیشن جماعتوں کا پلیٹ فارم پی ڈی ایم ہوگا۔
وزیرِ اعظم عمران خان نے مزید کہا کہ اپوزیشن جماعتیں این آر او حاصل کرنے کیلئے بے چین ہیں جس کیلئے عوام کی زندگیاں اور روزگار تباہ کیا جارہا ہے۔ میں ایک بار پھر واضح کردوں کہ اگر پی ڈی ایم 10 لاکھ جلسے بھی کرلے تو انہیں کوئی این آر او نہیں ملے گا۔
یہ بھی پڑھیں: پی ڈی ایم کا دوسرا جلسہ پشاور میں آج ہوگا، تیاریاں مکمل
Opposition is callously destroying people"s lives & livelihoods in their desperation to get an NRO. Let me make it clear: they can hold a million jalsas but will not get any NRO.
— Imran Khan (@ImranKhanPTI) November 22, 2020
یہ بھی پڑھیں: پی ڈی ایم کا دوسرا جلسہ پشاور میں آج ہوگا، تیاریاں مکمل