گوگل نیوز پر ہمیں فالو کریںوزیراعظم عمران خان کل پاک افغان سرحدطورخم بارڈرکادورہ کریں گےجہاں وہ سرحدکو24گھنٹے کھلارکھنےکےمنصوبےکاافتتاح کریں گے۔
ترجمان خیبرپختونخوا اجمل وزیرکانجی ٹی وی سےبات کرتے ہوئےکہناتھا کہ طورخم بارڈرکھلارکھنےکے فیصلےسے دو طرفہ تجارت میں بہتری آئے گی اور تجارت کو مزید فروغ حاصل ہوگاجبکہ پاکستان کووسطی ایشیاکی منڈیوں تک رسائی حاصل ہوگی۔
انہوں نےکہا کہ دونوں ممالک کے درمیان تجارتی تعلقات زیادہ سے زیادہ ہونا چاہئے، پاکستان بھر میں اور بالخصوص خیبرپختونخواہ کے عوام کےلئے یہ بڑی خوشخبری ہے، وزیراعظم عمران خان کی ہدایات کی روشنی میں طورخم بارڈ چوبیس گھنٹے کھولنے کےلئے انتظامات مکمل کرلئے گئےہیں۔
ضلعی انتظامیہ کے مطابق سکیورٹی انتظامات کے تحت کل طورخم اور لنڈی کوتل بازار بند رہیں گے جبکہ پاک افغان شاہراہ پر کارگو گاڑیوں کی آمدورفت آج سے بند کردیا گیا ہے۔
وزیراعظم کے دورہ کے موقع پر لنڈی کوتل بازار سے طورخم تک چھوٹی گاڑیوں کی آمدورفت بھی بند رہیگی اور پاک افغان شاہراہ اور طورخم سرحد پر سیکورٹی فورسز کی اضافی نفری تعینات کی گئی ہے۔
