وزیر اعظم کا مصر کے چرچ میں آتشزدگی اور جانی نقصان پر اظہارِ افسوس

اسلام آباد: وزیر اعظم شہباز شریف نے مصر کے چرچ میں آتشزدگی سے ہونے والے جانی نقصان پر افسوس کا اظہار کرتے ہوئے پاکستانی عوام کی جانب سے ہلاک افراد کے لواحقین سے اظہارِ یکجہتی کیا ہے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ مجھے مصر کے شہر الجیزہ میں واقع ابو سفین چرچ میں آتشزدگی سے ہونے والے قیمتی جانوں کے ضیاع پر دل کی گہرائی سے افسوس ہوا۔

یہ بھی پڑھیں:

مصر کے چرچ میں آتشزدگی سے 41 افراد ہلاک، متعدد زخمی

اپنے ٹوئٹر پیغام میں وزیر اعظم شہباز شریف نے واقعے پر رنج و غم کا اظہار کرتے ہوئے کہا کہ میں پاکستانی عوام کی جانب سے مصری صدر عبدالفتح السیسی اور ہلاک افراد کے اہلِ خانہ سے مخلصانہ تعزیت کا اظہار کرتا ہوں۔

Deeply grieved by the loss of precious lives in a tragic fire incident in Abu Sefein Church in Giza, Egypt. On behalf of the people of Pakistan, I extend my most sincere condolences to @AlSisiOfficial & families of the deceased and pray for the speedy recovery of those injured.

— Shehbaz Sharif (@CMShehbaz) August 15, 2022

خیال رہے کہ مصر کے چرچ میں آتشزدگی اور بھگدڑ کے باعث ہلاکتیں ہوئیں۔ وزیر اعظم نے واقعے کے نتیجے میں زخمی ہونے والے 40 سے زائد افراد کی جلد صحتیابی کیلئے دعا بھی کی۔ 

اتوار کے روز مصر کے شہر الجیزہ میں واقع چرچ میں مبینہ طور پر شارٹ سرکٹ سے ہونے والی آتشزدگی کے نتیجے میں 41 افراد ہلاک جبکہ متعدد زخمی ہو گئے۔ حکام کا کہنا تھا کہ زیادہ تر افراد کی ہلاکت بھگدڑ مچنے کے باعث ہوئی۔

 الجیزہ کے ضلع امبایا میں واقع ابوسفین چرچ میں گزشتہ روز آگ لگی جس کے نتیجے میں کم از کم 41 افراد ہلاک جبکہ 40 سے زائد زخمی ہوئے۔ ہلاک ہونے والے افراد میں بچے بھی شامل تھے۔