ملک بھر میں 2021 میں دہشت گردی کے واقعات 56فیصد بڑھ گئے۔پکس رپورٹ

اسلام آباد: پاکستان انسٹیٹیوٹ فار کانفلکٹ اینڈ سکیورٹی اسٹڈیز (پکس) کی رپورٹ میں یہ انکشاف سامنے آیا ہے کہ سال 2021 کے دوران ملک بھر میں دہشت گردی کے واقعات 56 فیصد بڑھے جبکہ 294 واقعات کے نتیجے میں 376 افراد جاں بحق یا شہید ہوئے۔

تفصیلات کے مطابق پکس کی سالانہ رپورٹ سامنے آگئی۔ سال 2021 کے دوران دہشت گردی کے رپورٹ کیے گئے 294 واقعات میں 376 افراد جاں بحق جبکہ 606 زخمی ہوئے۔ سندھ اور گلگت بلتستان کے علاوہ ملک کے ہر صوبے میں دہشت گردی میں اضافہ ریکارڈ کیا گیا۔

یہ بھی پڑھیں:

نئے سال کی آمد پر ہوائی فائرنگ کامعاملہ،پولیس نے ایکشن پلان بنالیا

 موٹروے پر شدیددھند، متعدد گاڑیاں ٹکرا گئیں،2 افرادجاں بحق، 23 زخمی

رواں برس جانی نقصان گزشتہ برس کے مقابلے میں 46 برس بڑھ گیا۔ دہشت گردوں نے سب سے زیادہ بلوچستان کو اپنا نشانہ بنایا۔ خیبرپختونخوا کے قبائلی علاقوں میں دہشت گردی کے 103 واقعات رونما ہوئے جن میں متعدد شہری جان کی بازی ہار گئے۔

ملک بھر میں دہشت گردی کے دوران 184 عام شہری جاں بحق ہوئے جبکہ 192 سیکورٹی اہلکاروں نے جامِ شہادت نوش کیا۔ 188 دہشت گرد ہلاک جبکہ 220 گرفتار ہوئے۔ 2017 کے بعد ملک میں سب سے زیادہ دہشت گردی کے واقعات 2021 میں رپورٹ کیے گئے۔