کراچی :قائد اعظم انٹرنیشنل ایئرپورٹ پر ائر ٹریفک کنٹرول میں خرابی، پی آئی اے کے 2طیارے فضائی حادثے کا شکار ہونے سے بچ گئے
ائیر ٹریفک کنٹرول کے سسٹم میں اچانک خرابی پید اہوگئی تھی کنٹرول ٹاور کا رابطہ دونوں طیاروں سے منقطع ہو گیا تھا، پی آئی اے کے دونوںطیارے ایک دوسرے سے کچھ ہی فاصلے پہنچ گئے تھے ۔
ذرائع کے مطابق ائر ٹریفک کنٹرولر نے کمونیکیشن ریڈ وائر لیس کے ذریعے آگاہ کیا، دونوں پائلٹس نے حاضر دماغی کا مظاہرہ کرتے ہوئے طیاروں کو حادثہ سے بچالیا۔
پی آئی اے کی پر واز پی کے 352 کراچی سے اسلام آباد اور دوسری پرواز پی کے 785 اسلام آباد سے لندن کی جانب فضا میں موجودتھیں۔
دونوں طیارے ساوتھ ریجن چیراٹ کوہاٹ کے اوپر سے گزر رہی تھی، کراچی سے اسلام آباد آنے والی پرواز لینڈنگ کے لیے بلندی سے نیچے آرہا تھا، طیارہ 26 ہزار فٹ بلندی پر تھا، جبکہ پی آئی اے کی لندن جانے والی پرواز 15000 فٹ بلندی پر تھی دونو ں طیارے کے درمیان فاصلہ انتہائی کم رہ گیا تھا۔
مزید پڑھیں:کوروناوائرس :سفری پابندیاں سخت ، پی آئی اے کی تعاون کی اپیل