پی آئی اے نے ملازمین کو بڑی خوشخبری سنادی،الاؤنس کی ادائیگی شروع

کراچی:پاکستان انٹرنیشنل ایئرلائنز (پی آئی اے)انتظامیہ کی جانب سے اپنے کارکنان کو بڑی خوشخبری سنادی گئی۔

ذرائع کے مطابق سی ای او پی آئی اے ارشدملک کا کہنا ہے کہ کیبن کریو کے واجب الادا الاؤنس کی ادائیگی شروع کردی گئی ہے،بدھ تک تمام کیبن کریوز کو واجبات ادا کردیئے جائیں گے۔

سی ای او پی آئی اے کا مزید کہنا تھا کہ بین الاقوامی پروازوں پر عملے کو ملنے والا الاؤنس تین سال سے التواکا شکار تھا، فلائٹ اسٹیورڈ،ایئرہوسٹز کو مجموعی طور پرتین کروڑ کی ادائیگی کی گئی، کئی سال سے خراب مالی حالت کے باعث الاؤنس ادا نہیں کر پا رہے تھے۔

مزید پڑھیں: پی آئی اے نے 6ایئر بس 320طیاروں کو فروخت کرنیکا فیصلہ کرلیا

واضح رہے کہ گذشتہ ماہ پی آئی اے اور دیگر اداروں کے برطرف ملازمین کی بحالی کامعاملے پر اہم پیش رفت ہوئی، پی آئی اے ایکٹ کے تحت بحال51 ملازمین سے رقم واپس لینے کا فیصلہ کیا گیا تھا۔