گوگل نیوز پر ہمیں فالو کریںلاہور: پی ٹی آئی چیئرمین اور سابق وزیر اعظم عمران خان نے چیف جسٹس سے اظہار یکجہتی کیلئے قوم سے ہفتہ کو سڑکوں پر نکلنے کی اپیل کردی۔
اپنے ویڈیو پیغام میں عمران خان کا کہنا تھا کہ بروز ہفتہ نماز مغرب سے ایک گھنٹہ پہلے ہر شخص اپنے گھروں، گلی، محلوں سے چیف جسٹس کے ساتھ اظہارِ یکجہتی اور آئین کی حکمرانی کے لئے باہر نکلے۔
سابق وزیر اعظم نے کہا کہ پاکستان میں تاریخی مہنگائی اور بیروزگاری عروج پر ہے، ہمارے ملک پر مافیا کا قبضہ ہے،ہمارا ملک تاریخ کے ایک فیصلہ کن موڑ پر کھڑا ہے۔
انہوں نے کہا کہ حکومت پاکستان کا آئین اور سپریم کورٹ تباہ کرنے پر تلی ہوئی ہے،اس حکومت کو الیکشن میں شکست کا خوف ہے۔
مزید پڑھیں:وفاقی حکومت نے عمران خان اور ثاقب نثار کیخلاف ریفرنس دائر کر دیا
سابق وزیر اعظم نے کہا کہ میں قوم سے اپیل کرتا ہوں بروز ہفتہ نماز مغرب سے ایک گھنٹہ پہلے ہر شخص اپنے گھروں، گلی، محلوں سے چیف جسٹس کے ساتھ اظہارِ یکجہتی اور آئین کی حکمرانی کے لئے باہر نکلے،یہ مافیا چیف جسٹس اور ججز کے خلاف پروپیگنڈہ کررہا ہے۔
