گوگل نیوز پر ہمیں فالو کریںکراچی: دورہ آسٹریلیا اور آئی سی سی ویمنز ٹی ٹوئنٹی ورلڈکپ کیلئے 15 رکنی ویمن کرکٹ ٹیم کا اعلان کردیا گیا، بسمہ معروف ٹیم کی قیادت کرینگی، فاسٹ باؤلرڈیانا بیگ ،طوبیٰ حسن اور سعدیہ اقبال کی ٹیم میں واپسی ہوئی ہے۔
پاکستان ویمن ٹیم جنوری میں آسٹریلیا میں وائٹ بال سیریز کھیلے گی
اور آئی سی سی ویمنز ٹی 20 ورلڈ کپ 10 سے 26 فروری تک جنوبی افریقہ میں ہوگا۔
پاکستان ویمن کرکٹ ٹیم کی چیف سلیکٹر اسماویہ اقبال کی جانب سے اعلان کردہ 15 رکنی ویمن ٹیم کی قیادت بسمہ معروف کرینگی، دورہ آسٹریلیا میں ون ڈے سیریز کے لیے 15 رکنی اسکواڈ میں کپتان بسمہ معروف، عالیہ ریاض، عائشہ نسیم، ڈیانا بیگ، فاطمہ ثنا، غلام فاطمہ، کائنات امتیاز، منیبہ علی، نشرہ سندھو، ندا ڈار، نعیمہ سہیل، صدف شمس، سعدیہ اقبال، سدرا امین اورسدرا نواز شامل ہیں۔
ٹریولنگ ریزروز میں ایمن انور، جویریہ خان اور طوبی حسن شامل ہیں۔
انگلینڈ کے سابق آل راؤنڈر اینڈریو فلنٹوف کی کار کو حادثہ، اسپتال منتقل
ٹی ٹونٹی اسکواڈ میں کپتان بسمہ معروف،ایمن انور، عالیہ ریاض، عائشہ نسیم، ڈیانا بیگ ، فاطمہ ثنا، جویریہ خان، منیبہ علی، نڈا ڈار، عمیمہ سہیل، نشرہ سندھو، سعدیہ اقبال، سدرا آمین، سدرا نواز اور طوبی حسن شامل ہیں۔ ٹرویلنگ ریزروز میں غلام فاطمہ، کائنات امتیاز اور صدف شمس شامل ہیں۔
اس موقع پر چیف سلیکٹر اسماویہ اقبال نے کہا کہ بہترین ٹیم کا انتخاب کرنے کی کوشش کی، تمام کھلاڑیوں کے لیے نیک خواہشات ہیں، ڈیانا بیگ، طوبی حسن اور سعدیہ اقبال کی واپسی سے ٹیم کا کمبی نیشن بہتر ہوگا۔
واضح رہے کہ دورہ آسٹریلیا میں ون ڈے میچز 18، 16 اور 21 جنوری کو کھیلے جائیں گے جبکہ ٹی 20 میچز 26،24 اور 29 جنوری کو ہونگے۔
آئی سی سی ٹی 20 ورلڈ کپ میں پاکستانی ٹیم 12 فروری کو بھارت کے خلاف اپنا پہلا میچ کھیلے گی، 15 کو آئر لینڈ، 19 فروری کو ویسٹ انڈیز اور 21 فروری کو انگلینڈ سے میچ شیڈولڈ ہیں۔
