گوگل نیوز پر ہمیں فالو کریںپاکپتن کے گورنمنٹ ہائی اسکول کے 12سو طلبا نے اکٹھے ہو کر 9600مربع فٹ پر محیط ایک بہت بڑا انسانی پرچم بنایا۔
یوم آزادی کی تقریبات کے ایک حصے کے طور پر منعقد ہونے والی اس تقریب میں ایم پی اے چوہدری جاوید احمد، ایم پی اے موتیہ مسعود خالد اور دیگر سمیت قابل ذکر شخصیات نے شرکت کی۔
طلبا، روایتی پاکستانی لباس میں ملبوس ہوکر اپنے ملک سے گہری وابستگی اور محبت کا مظاہرہ کرتے ہوئے دیوہیکل پرچم بنانے کے لیے تیار کھڑے تھے۔
چیف ڈیجیٹل مانیٹرنگ آفیسر ڈاکٹر عبداللہ تبسم کا کہنا تھا کہ طلبا کا یہ شاندار کارنامہ ساہیوال ڈویژن میں بے مثال ہے۔
ڈپٹی کمشنر سعدیہ مہر نے طلبہ کی کاوشوں کو سراہتے ہوئے کہا کہ اتحاد اور حب الوطنی کے ایسے مظاہروں کی پاکستان کو اس وقت ضرورت ہے۔
یہ تقریب پنجاب بھر میں یوم آزادی کی بڑی تقریبات کا حصہ تھی، جس کا آغاز وزیر اعلیٰ مریم نواز نے کیا تھا۔
تقریب کی کامیابی کا سہرا طلبا، اساتذہ اور خاص طور پر ڈاکٹر عبداللہ تبسم کی لگن کو دیا گیا جنہوں نے جھنڈے کی مکمل تشکیل کو یقینی بنانے کے لیے ضروری تربیت اور رہنمائی فراہم کی۔
