اقوام کا امن مشن، پاک فوج کے لانس نائیک عادل جان شہید ہوگئے

راولپنڈی: عالمی امن کی خاطر پاک فوج کے ایک اور بہادر سپوت نے اپنی زندگی نچھاور کردی، اقوام متحدہ امن مشن دارفور میں خدمات سرانجام دیتے ہوئے پاک فوج کے لانس نائیک عادل جان جام شہادت نوش کرگئے۔

آئی ایس پی آر کے مطابق اقوام متحدہ امن مشن میں خدمات انجام دیتے ہوئے لانس نائیک عادل جان جام شہادت نوش کر گئے، وہ اقوام متحدہ مشن دارفور میں میں شہریوں کے تحفظ اور امداد فراہمی کے فرائض سرانجام دے رہے تھے۔

مزید پڑھیں: افغانستان میں امن کیلئے عالمی برادری کی امداد ضروری ہے، سپہ سالار

پاک فوج کے بہادر سپوت 38 سالہ عادل جان کا پاکستان میں تعلق لکی مروت سے تھا۔ آئی ایس پی آرکے بیان کے مطابق اقوام متحدہ کے مختلف ممالک میں مشن کے دوران پاکستان نے عالمی امن اور استحکام کیلئے بڑھ چڑھ کر کام کیا ہے اور اب تک 161 پاکستانی افسر و جوان اپنی قیمتی جانیں نچھاور کرچکے ہیں۔