راولپنڈی:آرمی چیف جنرل قمر جاوید باجوہ کا کہنا ہے کہ پاکستان کی کوشش ہے کہ خطے میں دیرپا امن قائم ہو، افغانستان میں پائیدار امن کیلئے انسانی بنیادوں پر تعاون اور امداد جاری رہنی چاہیے۔
آئی ایس پی آر کے جاری کردہ بیان میں کہا گیا ہے کہ آرمی چیف جنرل قمر جاوید باجوہ کی سربراہی میں کور کمانڈرزکانفرنس جنرل ہیڈ کوارٹرز میں منعقد ہوئی۔
آرمی چیف کی زیر قیادت کور کمانڈرز کانفرنس کے دوران ملکی اندرونی و بیرونی سکیورٹی صورتحال کا جائزہ لیا گیا۔ کانفرنس میں افغانستان کی صورتحال کابھی جائزہ لیا جبکہ پاک افغان بارڈر پر ممکنہ خطرات سے نمٹنے کیلئے اقدامات پر بریفنگ دی گئی۔
CCC chaired by #COAS held at GHQ. The participants took comprehensive review of global, regional and domestic security environment. Forum was apprised on prevalent situation in Afghanistan, especially security along Pak-Afghan Border and effective safeguards in place (1/6) pic.twitter.com/aYnxkGlnJ0
— DG ISPR (@OfficialDGISPR) September 10, 2021
ڈی جی آئی ایس پی آر کی جانب سے جاری کردہ بیان کے مطابق سپہ سالار جنرل قمر جاوید باجوہ نے پاک افغان بارڈر پر مینجمنٹ کے تحت کیے گئے اقدامات پر اطمینان کا اظہار کیا اور غیر ملکیوں کے انخلا کیلئے پاک فوج کے کردار کو سراہا۔
عسکری قیادت نے عزم کا اظہار کیا کہ پاک فوج کشمیری عوام کے ساتھ ہے، کشمیر کی آزادی کیلیے معروف حریت رہنما سید علی گیلانی کی جدوجہد، قربانیوں پر خراج عقیدت پیش کرتے ہیں۔
کور کمانڈرز کانفرنس کے دوران شرکاء نے عزم کا اظہار کیا کہ ملک میں امن خراب کرنے کی سازشیں ناکام بنائی جائیں گی۔
سپہ سالار نے کہا کہ علاقائی امن و استحکام یقینی بنانے کیلئے شراکت داروں میں قریبی تعاون ضروری ہے، افغانستان میں پائیدار امن کیلئے انسانی بنیادوں پر تعاون اور امداد جاری رہنی چاہیے، افغانستان میں دیراستحکام کے لئے بین الاقوامی برادری کا تعمیری کردار بہت ضروری ہے۔
مزید پڑھیں: سپہ سالار سے سفیریورپی یونین کی ملاقات،افغانستان کی صورتحال پرغور