گوگل نیوز پر ہمیں فالو کریںپاکستانی آرٹسٹ ڈاکٹر مبارک علی نے انٹرنیشنل ورلڈ لیزر یوتھ ایمبیسیڈر آرٹسٹ کا مقابلہ جیت لیا ہے۔
ڈاکٹر مبارک محمد علی، پیشے کے لحاظ سے فزیو تھراپسٹ ہیں اور ایک فنکار بھی ہیں، انہوں نے پاکستان کی نمائندگی کرتے ہوئے انٹرنیشنل ورلڈ لیزر یوتھ ایمبیسیڈر آرٹسٹ مقابلے میں پہلا انعام حاصل کیا ہے۔
وہ پہلے پاکستانی آرٹسٹ ہیں جنہوں نے پاکستان کی نمائندگی کرتے ہوئے بین الاقوامی ورلڈ لیزر یوتھ ایمبیسیڈرز آرٹسٹ مقابلے میں مسلسل دو سال تک بہترین آرٹسٹ کا ایوارڈ جیتا ہے۔
یہ ایوارڈ انھیں میپل لیف آرٹ کے نام سے اپنے کام کے ذریعے موسمیاتی تبدیلیوں سے متعلق لوگوں کو آگاہ کرنے کے لیے کیے گئے کام کے لیے دیا گیا، وہ اپنے کام کے ذریعے لوگوں کو شجرکاری مہم میں سرمایہ کاری کرنے کی ترغیب دے رہے ہیں اور اُن کے ہرپورٹریٹ سے ہونے والی کمائی کا کچھ حصہ انھیں بھی ملے گا۔
ڈاکٹر مبارک علی کے بنائے گئے پورٹریٹ کا گہرا مطلب ہوتا ہے جو لوگوں کو زیادہ سے زیادہ درخت لگانے کی ترغیب دیتا ہے۔
مبارک علی کو اُن کے آؑرٹ ورک میپل لیف کیلئے ایوارڈ دیا گیا جس کا مقصد موسمیاتی تبدیلیوں کے حوالے سے شعور اجاگر کرنا تھا۔
