گوگل نیوز پر ہمیں فالو کریںاسلام آباد:وزیرِ اعظم کے معاونِ خصوصی برائے امورِ صحت ڈاکٹر ظفرمرزا نے کہا ہے کہ پاکستانی ماہرین کورونا وائرس کیلئے ڈیکسا میتھا سون نامی دوا پر غور کر رہے ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی صحت ظفر مرزا نے کہا کہ شدید نوعیت کے کورونا وائرس کے علاج کیلئے برطانیہ سے ڈیکسامیتھا سون کے استعمال پر مثبت نتائج موصول ہوئے ہیں جبکہ عالمی ادارۂ صحت نے بطور اوّلین علاج دوا کے استعمال کا خیر مقدم کیا ہے۔
پیغام میں معاونِ خصوصی صحت ڈاکٹر ظفر مرزا نے کہا کہ کورونا وائرس کے باعث شرحِ اموات کو ڈیکسا میتھا سون کے استعمال سے کم کیا جاسکتا ہے۔کورونا کے ایسے مریض جنہیں سانس لینے میں تکلیف کے باعث آکسیجن یا وینٹی لیٹر کی ضرورت پڑ رہی ہو، انہیں موت سے بچایا جاسکتا ہے۔
<318> Positive results from UK on use of Dexamethaone in critical patients welcomed by WHO as a 1st treatment to be shown to reduce mortality in patients with COVID-19 requiring Oxygen or ventilator support. Expert Committee in ???????? to consider inclusion. https://t.co/3RbVQrWdPp
— Zafar Mirza (@zfrmrza) June 17, 2020
معاونِ خصوصی ڈاکٹر ظفر مرزا نے کہا کہ پاکستانی ماہرین ڈیکسا میتھا سون پر غور کر رہے ہیں جبک یہ ایک پرانی اور سستی دوا ہے جو تکلیف سے نجات کیلئے استعمال کی جاتی ہے۔ طبی زبان میں اسے اینٹی انفلیمیٹری (اسٹیرائڈ) کہا جاتا ہے جسے پاکستان میں بہت سی کمپنیاں بناتی ہیں۔
It is an old & cheap anti-inflammatory medicine (steroid) & we have multiple producers in ????????.
— Zafar Mirza (@zfrmrza) June 17, 2020
ڈاکٹر ظفر مرزا نے کہا کہ براہِ کرم عوام یہ بات نوٹ کر لے کہ ڈیکسا میتھا سون صرف کورونا وائرس کے ایسے مریضوں کیلئے ہے جو آکسیجن اور وینٹی لیٹر پر ہوں جسے معتدل کورونا وائرس کے مریضوں کیلئے کبھی استعمال نہیں کرنا چاہئے۔ لوگ ڈیکسا میتھا سون خرید کر اپنا علاج خود کرنے سے پرہیزکریں کیونکہ دوا کے سائیڈ افیکٹس بہت سے ہیں اور یہ کورونا وائرس کے معتدل مریضوں کیلئے خطرناک ہوسکتی ہے۔
PLEASE NOTE: It is ONLY FOR critically ill COVID-19 patients ie those on oxygen and ventilators; the medicine MUST NOT be used by mild to moderate patients; self-medication is strictly prohibited and can be dangerous as the medicine has many side-effects.
— Zafar Mirza (@zfrmrza) June 17, 2020
یاد رہے کہ اس سے قبل سائنسدانوں نے ڈیکسا میتھا سون کو کورونا وائرس کے علاج کیلئے موثر دوا قرار دیتے ہوئے اسے کورونا وائرس میں مبتلا مریضوں پر آزمانے کی تجویز پیش کردی۔
برطانوی سائنسدانوں کا گزشتہ روز کہنا تھا کہ ڈیکسا میتھا سون کے کورونا کے مریضوں پر استعمال کے حیرت انگیز اثرات مرتب ہوئے، اس دوا کے استعمال کے بعد کورونا متاثرین کی اموات میں 30 فیصد کمی آئی۔
مزید پڑھیں: ڈیکسا میتھا سون کورونا متاثرین کیلئے مؤثر دوا قرار
