لاہور: انگلینڈ کے خلاف سیریز کے لیے قومی خواتین کرکٹ ٹیم کا اعلان کردیا گیا۔تین ایک روزہ اور تین ٹی ٹونٹی میچوں پر مشتمل سیریز کے لیے علیحدہ علیحدہ اسکواڈز کا اعلان کیا گیا۔
بنگلہ دیش کے خلاف ایک روزہ اور ٹی ٹونٹی سیریز میں شریک قومی اسکواڈز میں 4،4 تبدیلیاں کی گئی ہیں۔ کائنات حفیظ اور رامین شمیم پہلی بار قومی خواتین ایک روزہ کرکٹ ٹیم کا حصہ بن گئیں ،15 سالہ لیگ اسپنر عروب شاہ پہلی بار ٹی ٹونٹی ٹیم میں شامل جبکہ آل رائونڈر ندا ڈار کی دونوں اسکواڈز میں واپسی ہوگئی۔
15رکنی قومی ایک روزہ خواتین کرکٹ ٹیم کی قیادت بسمعہ معروف کریں گی دیگر کھلاڑیوں میں عالیہ ریاض، انعم امین، عروب شاہ، ڈیانا بیگ اور فاطمہ ثنا ،جویریہ خان، کائنات حفیظ، ناہیدہ خان، نشرہ سندھو، ندا ڈار اور عمیمہ سہیل ،رامین شمیم ،سدرہ امین اور سدرہ نواز بھی ایک روزہ اسکواڈ کا حصہ ہیں ۔
ٹی ٹونٹی اسکواڈ میں بسمعہ معروف (کپتان)، عالیہ ریاض، انعم امین، عروب شاہ اور عائشہ ظفر ،ڈیانا بیگ، فاطمہ ثنا، ارم جاوید، جویریہ خان، ناہیدہ خان اور ندا ڈار ،عمیمہ سہیل، رامین شمیم، سعدیہ اقبال اور سدرہ نواز بھی 15 رکنی ٹی ٹونٹی اسکواڈ کا حصہ ہیں ۔
سیریز میں شرکت کے لیے قومی اسکواڈ 30 نومبر کو ملائیشیا روانہ ہوگا۔سیریز کے تمام میچز 9 سے 20 دسمبر تک کنرارا اوول میں کھیلے جائیں گے۔سیریز میں شامل 3 ایک روزہ میچز آئی سی سی ویمنز چمپئن شپ کا حصہ ہیں۔
یہ بھی پڑھیں: پاکستان کا بنگلادیش سمیت کوئی بھی سیریز نیوٹرل مقام پر نہ کھیلنے کا اعلان