گوگل نیوز پر ہمیں فالو کریںپاکستان اور نیوزی لینڈ کے درمیان جاری پانچ میچوں کی ٹی20 سیریز کے تیسرے میچ میں پاکستان نے ٹاس جیت کر پہلے فیلڈنگ کا فیصلہ کیا ہے،یہ میچ آج آکلینڈ کرکٹ گراؤنڈ میں کھیلا جا رہا ہے۔
پانچ میچوں کی اس سیریز میں دونوں ٹیمیں بھرپور مقابلہ کر رہی ہیں۔ پہلے ٹی20 میں نیوزی لینڈ نے شاندار کارکردگی دکھاتے ہوئے کامیابی حاصل کی تھی جبکہ دوسرے میچ میں بھی پاکستان کو شکست کا سامنا کرنا پڑا تھا۔
ٹاس کے بعد پاکستانی کپتان سلمان علی آغا نے کہا کہ ٹیم کی کوشش ہوگی کہ پہلے باؤلنگ کرتے ہوئے نیوزی لینڈ کو کم سے کم اسکور تک محدود کیا جائے اور پھر ہدف کا تعاقب کرتے ہوئے میچ جیت کر سیریز میں برتری حاصل کی جائے۔
دوسری جانب نیوزی لینڈ کے کپتان مائیکل بریسویل نے کہا کہ ان کی ٹیم پہلے بیٹنگ کرتے ہوئے بڑا ہدف دینے کی کوشش کرے گی تاکہ پاکستانی ٹیم پر دباؤ بڑھایا جا سکے۔ ان کا کہنا تھا کہ وہ سیریز میں اپنی برتری کو برقرار رکھنے کے لیے جیت حاصل کرنے کے خواہشمند ہیں۔
پاکستان کی ٹیم کپتان سلمان علی آغا، محمد حارث، حسن نواز، محمد عرفان خان، شاداب خان، عبدالصمد، خوشدل شاہ، محمد عباس آفریدی، شاہین شاہ آفریدی، ابرار احمد، حارث رؤف پر مشتمل ہے۔
نیوزی لینڈ کی ٹیم میں کپتان مائیکل بریسویل، ٹم سیفرٹ، فن ایلن، مارک چیپ مین، ڈیرل مچل، جمی نیشم، ایش سودھی، مچ ہےنری، کائل جیمیسن، جیکب ڈفی، بین سیئرز شامل ہیں۔
یہ میچ دونوں ٹیموں کے لیے انتہائی اہم ہے، اور کرکٹ شائقین کو ایک سنسنی خیز مقابلے کی امید ہے۔
