پاکستان اسٹاک ایکسچینج، 100 انڈیکس 198.92 پوائنٹس کی سطح پر آگیا

کراچی: پاکستان اسٹاک مارکیٹ میں کاروباری ہفتے کے تیسرے روز (بدھ)کے دوران اُتار چڑھاؤ کے بعد 198.92 پوائنٹس کی مندی کا سامنا رہا۔

پہلے کاروباری روز (بدھ) کے دوران کورونا وائرس کے باعث لاک ڈاؤن کی خبروں نے منفی اثرات ڈالے تھے اور انڈیکس میں 700 سے زائد پوائنٹس کی مندی ریکارڈ کی گئی۔

گزشتہ روز وزیراعظم کی جانب سے لاک ڈاؤن کے حوالے سے واضح اعلان کیا گیا تھا کہ صنعتی زو ن کو بند نہیں کیا جائے گا، جس کے بعد سرمایہ کاروں نے دلچسپی دکھاتے ہوئے سرمایہ کاری کی اور انڈیکس میں 1 ہزار پوائنٹس سے زائد کی تیزی ریکارڈ کی گئی تھی۔

تاہم آج پاکستان سٹاک مارکیٹ کا 100 انڈیکس 198.92 پوائنٹس کی گراوٹ دیکھی گئی اور انڈیکس 40281.96 پوائنٹس کی سطح پر پہنچ کر بند ہوا، پورے کاروباری روز کے دوران کاروبار میں 0.49 فیصد کی تنزلی دیکھی گئی اور 23 کروڑ 40 لاکھ 53 ہزار 645 شیئرز کا لین دین کیا گیا۔