پاکستان میں کورونا کے 358 نئے کیسز رپورٹ، 8 مزید شہری جاں بحق

اسلام آباد: ملک بھر میں کورونا کے 358نئے کیسز رپورٹ ہوئے ہیں جبکہ مہلک وائرس کے باعث 8 مزید شہری انتقال کرگئے۔

قومی ادارۂ صحت کے جاری کردہ اعدادوشمار کے مطابق ملک بھر میں مجموعی طور پر 15 لاکھ 63 ہزار 745افراد کورونا سے متاثر جبکہ 30 ہزار 537 وائرس کے باعث جاں بحق ہوئے۔ شرحِ اموات 2 فیصد پر برقرار ہے۔

یہ بھی پڑھیں:

عمرے کیلئے کورونا ویکسین لگوانے کی شرط ختم

جاپان نے پاکستان کو کورونا کی ریڈ لسٹ سے نکال دیا

گزشتہ 24 گھنٹوں کے دوران کورونا کی تشخیص کیلئے 12ہزار 273ٹیسٹ کیے گئے جبکہ مثبت کیسز کا تناسب 2.92 فیصد رہا۔ ٹیسٹس کی مجموعی تعداد 2 کروڑ 98 لاکھ 62ہزار 485ہوگئی جبکہ کورونا کے 165مریض انتہائی نگہداشت میں ہیں۔

COVID-19 Statistics 16 August 2022
Total Tests in Last 24 Hours: 12,273
Positive Cases: 358
Positivity %: 2.92%
Deaths: 08
Patients on Critical Care: 165

— NIH Pakistan (@NIH_Pakistan) August 16, 2022

خیال رہے کہ اس سے قبل جاپان نے پاکستان کو  کورونا کے ریڈ لسٹڈ ممالک کی کیٹیگری سے نکال دیا ہے جس سے پاکستان اور جاپان کے مابین سفر کرنے والے سیاح اور دونوں ممالک سے تعلق رکھنے والے شہری مشکلات سے آزاد ہوگئے۔ 

گزشتہ ماہ ٹوکیو میں پاکستانی سفارت خانے کے ایک بیان میں کہا گیا کہ پاکستان کے سفارت خانے اور ٹوکیو کی کوششوں کے نتیجے میں، جاپان کی حکومت نے پاکستان کو کووڈ-19 کے حوالے سے ریڈ لسٹڈ ممالک کی کیٹیگری سے نکالا۔ نئی زمرہ بندی کا اطلاق 27 جولائی سے کیا گیا۔