گوگل نیوز پر ہمیں فالو کریںکراچی: پاکستان میں کورونا وائرس کے پھیلاؤ پر قابو نہ پایا جاسکا، ملک میں مزید 136 ہلاکتیں اور کیسز کی تعداد ایک لاکھ 65 ہزار سے تجاوز کرگئی۔
کورونا وائرس سے بچاؤ کیلئے کراچی، لاہور، راولپنڈی اور اسلام آباد میں سلیکٹڈ لاک ڈاؤن کے باوجود کورونا کے مریضوں کی تعداد میں اضافے کا سلسلہ تھم نہیں سکا۔
حکومتی اعداد و شمار کے مطابق ملک میں کورونا متاثرین کی تعداد ایک لاکھ 65 ہزار 62 ہوگئی ہے جبکہ گزشتہ 24 گھنٹوں کے دوران مزید 136 افراد موذی وباء کی وجہ سے موت کی وادی میں اتر گئے ہیں۔
سرکاری اعداد و شمار کے مطابق گزشتہ چوبیس گھنٹوں میں 28 ہزار 824 ٹیسٹ کئے گئے جن میں سے 4ہزار 944 افراد میں کورونا کی تصدیق ہوئی، سندھ ایک بار پھر کورونا متاثرین کی تعداد کے لحاظ سے پہلے نمبر پر آگیا ہے جہاں 62 ہزار 269 افراد میں کورونا وائرس کی تصدیق ہوچکی ہے۔
پنجاب 61 ہزار 678 کیسز کے ساتھ دوسرے، خیبر پختونخوا20 ہزار 182 کیسز کے ساتھ تیسرے،اسلام آباد 9 ہزار 941 کیسز کے ساتھ چوتھے، بلوچستان 8 ہزار 998 کیسز کے ساتھ پانچویں ، گلگت بلتستان 1225 کیسز کے ساتھ چھٹے اور آزاد کشمیر 769 کیسز کے ساتھ ساتویں نمبر پر ہے۔
مزید پڑھیں: کراچی کی 41یونین کونسلز میں اسمارٹ لاک ڈاؤن نافذ، ناکے لگا دیے گئے
