گوگل نیوز پر ہمیں فالو کریںوزیر مملکت برائے انسدادِ منشیات و سیفران شہر یار خان آفریدی نے کہا ہے کہ پاکستان حقِ خود ارادیت کی جدوجہد میں کشمیریوں کے ساتھ ہے جبکہ وزیر اعظم عمران خان اقوامِ متحدہ میں بھارت کے مظالم کو بے نقاب کریں گے۔
وفاقی وزیر شہریار آفریدی نے کہا کہ پاکستان کی نمائندگی کرتے ہوئے وزیر اعظم عمران خان کشمیریوں کا مقدمہ عالمی برادری کے سامنے پیش کریں گے جبکہ کشمیر میں جاری 54 روزہ کرفیو کے حقائق سے بھی آگاہ کریں گے۔
یہ بھی پڑھیں: فردوس عاشق اعوان کا زلزلے سے متاثرہ خاندانوں کے گھر کا دورہ، تعزیت اور فاتحہ خوانی
شہر یارآفریدی نے کہا کہ دنیا کا ہر ملک اقوام متحدہ میں نمائندگی کے دوران اپنے اپنے مسائل اجاگر کر رہا ہے اور ملکی مفادات اور خطے کو درپیش مسائل عالمی برادری کے سامنے رکھے جائیں گے جبکہ پاکستان کشمیر کا مقدمہ لڑنے اقوام متحدہ میں موجود ہے۔
انہوں نے کہا کہ یہ وقت بحیثیت قوم ہمارے لیے بہت اہم ہے اور اس وقت سیاسی نظریات سے بالاتر ہو کر قومی اتحاد و اتفاق کی ضرورت پہلے سے کہیں زیادہ ہے۔ پاکستان مظلوم کشمیریوں کو کبھی تنہا نہیں چھوڑے گا۔
یاد رہے کہ وزیر اعظم پاکستان عمران خان آج اقوام متحدہ کی جنرل اسمبلی کے اجلاس میں اقوامِ عالم سے خطاب کے دوران مسئلہ کشمیر کو اجاگر کریں گے۔ ملک بھر میں جگہ جگہ حکمراں سیاسی جماعت نے وزیر اعظم کا خطاب دیکھنے کے لیے اسکرینیں نصب کی ہیں جن کے ذریعے عوام الناس نیو یارک سے اقوام متحدہ کے جنرل اسمبلی اجلاس میں وزیر اعظم کو براہِ راست دیکھ سکیں گے۔
مزید پڑھیں: وزیر اعظم پاکستان آج اقوام متحدہ اجلاس سے خطاب میں مسئلہ کشمیر اجاگر کریں گے
