گوگل نیوز پر ہمیں فالو کریںلاہور:پاکستان کرکٹ بورڈ کے چیئرمین رمیز راجا کو تبدیل کئے جانے کا امکان ظاہر کیا جارہا ہے۔
ذرائع کا اس حوالے سے کہنا ہے کہ چیئرمین پی سی بی کے لئے نجم سیٹھی مضبوط اُمیدوار ہیں، وزیراعظم شہبازشریف سے نجم سیٹھی کی ظہرانے پر لاہور میں ملاقات ہوئی تھی۔
ذرائع کا کہنا ہے کہ سیکرٹری آئی پی سی نے پاکستان کرکٹ بورڈ کے سربراہ کی تبدیلی کی سمری وزیراعظم ہاؤس کو ارسال کر دی ہے، وزیراعظم پی سی بی آئین 2014 کے بحالی کا حکم کسی بھی وقت دے سکتے ہیں۔
2014 کے پی سی بی آئین کی بحالی کے بعد ڈپارٹمنٹل کرکٹ بحال ہو جائے گی۔
مزید پڑھیں:کراچی ٹیسٹ: پاکستان ٹیم پہلی اننگ میں 304رنز بنا کر پویلین لوٹ گئی
ذرائع نے دعویٰ کیا ہے کہ وزیراعظم شہباز شریف نے نجم سیٹھی کو پاکستان کرکٹ بورڈ کا نیا سربراہ بنانے کا عندیہ دے دیا ہے، وزیراعظم شہباز شریف نے نجم سیٹھی سے کہا کہ 2014 کا پی سی بی آئین بحال کیا جائے۔
