گوگل نیوز پر ہمیں فالو کریںاسلام آباد: دفتر خارجہ نے اپنے بیان میں کہا ہے کہ پاکستان قومی اور بین الاقوامی سطح پر خواتین کے حقوق کے فروغ اور تحفظ کے لیے پوری طرح پرعزم ہے۔
خواتین کے عالمی دن کے موقع پر ایک خصوصی پیغام میں دفتر خارجہ نے کہا کہ مختلف پالیسی اقدامات اور قانون سازی کے ذریعے پاکستان خواتین کو بااختیار بنانے اور ایک جامع معاشرے کی تعمیر میں ان کی مساوی شرکت کے لیے بھرپور کوششیں جاری رکھے ہوئے ہے۔
دفتر خارجہ نے کہا کہ پاکستان کی بنیادیں مرد اور خواتین کی شراکت پر رکھی گئی ہیں۔ ”ہمارا آئین اور قانونی ڈھانچہ خواتین کی زندگی کے تمام شعبوں بشمول سماجی، اقتصادی اور سیاسی میں مساوی شرکت کی ضمانت فراہم کرتا ہے،”۔
بیان میں مزید کہا گیا کہ پاکستان دنیا بھر کی خواتین کو خراج تحسین پیش کرتا ہے جن کی قربانیوں اور کوششوں نے انسانیت کے لیے ترقی اور سب کے لیے بہتر مستقبل کی تعمیر کو ممکن بنایا ہے۔ کوئی بھی معاشرہ یا قوم صنفی مساوات اور خواتین کو بااختیار بنائے بغیر کامیاب اور پائیدار ترقی حاصل نہیں کر سکتی۔
دفتر خارجہ نے کہا کہ کورونا وبائی مرض سے باہر نکلنا صرف صرف سیاسی نظام، افرادی قوت، معیشتوں اور معاشروں کی تشکیل سے ہی ممکن ہے۔دفتر خارجہ نے کہا کہ پاکستانی خواتین نے قومی ترقی اور پیشرفت میں بہت زیادہ حصہ ڈالا ہے۔
بیان میں کہا گیا ہے کہ ہمیں فخر ہے کہ آج پاکستانی خواتین عوامی زندگی کے ہر شعبے میں حصہ لے رہی ہیں۔ وہ اہم عہدوں پر فائز ہیں جن میں وزیراعظم، گورنر اسٹیٹ بینک آف پاکستان، قومی اسمبلی کے اسپیکر، سپریم کورٹ کے جج، ہائی کورٹ کے چیف جسٹس، اور کابینہ کے ساتھ ساتھ وفاقی اور صوبائی سیکریٹریز، جنرلز کے اہم قلمدان بھی شامل ہیں۔
مزید پڑھیں: حکومتی ارکان کی مدد کے بغیر کیا اپوزیشن پنجاب اور وفاق میں حکومت گراسکتی ہے؟
