گوگل نیوز پر ہمیں فالو کریںواشنگٹن: مشیرِ قومی سلامتی ڈاکٹر معید یوسف نے امریکی ہم منصب جیک سلیوان سے اعلیٰ سطحی ملاقات کی جس کے دوران افغان امن عمل میں تعاون پر اتفاق کیا گیا۔
سماجی رابطے کی ویب سائٹ ٹوئٹر پر اپنے پیغام میں ڈاکٹر معید یوسف نے کہا کہ میری امریکی ہم منصب جیک سلیوان سے آج واشنگٹن میں ملاقات ہوئی جس کے دوران جنیوا ملاقات کے بعد سے اب تک کی کارکردگی کا جائزہ لیا گیا اور گفت و شنید کی گئی۔
اپنے پیغام میں مشیرِ قومی سلامتی ڈاکٹر معید یوسف نے کہا کہ ملاقات کے دوران گفتگو کرتے ہوئے ہم نے دو طرفہ، خطے کی صورتحال اور عالمی معاملات کے علاوہ باہمی دلچسپی کے امورپر بھی تبادلۂ خیال کیا۔
مشیرِ قومی سلامتی ڈاکٹر معید یوسف نے امریکی ہم منصب سے ہونے والی ملاقات کے متعلق مزید بتایا کہ دونوں ممالک کے مابین دو طرفہ تعاون کی رفتار کو برقرار رکھنے پر اتفاقِ رائے پایا جاتا ہے۔
Had a positive follow-up meeting with NSA @JakeSullivan46 today in Washington. Took stock of progress made since our Geneva meeting & discussed bilateral, regional and global issues of mutual interest. Agreed to sustain the momentum in Pak-US bilateral cooperation.
— Moeed W. Yusuf (@YusufMoeed) July 30, 2021
دوسری جانب پاکستانی ہم منصب سے ملاقات کے متعلق امریکی مشیرِ قومی سلامتی جیک سلیوان نے کہا کہ ہماری ملاقات آج ہوئی جس کے دوران علاقائی مواصلاتی و سیکیورٹی صورتحال کے علاوہ باہمی تعاون کے دیگر معاملات پر بھی گفتگو ہوئی۔
امریکی مشیرِ سلامتی جیک سلیوان نے مزید کہا کہ ہم نے ڈاکٹر معید یوسف سے ملاقات کے دوران افغانستان میں تشدد کی فوری ضرورت پر بات چیت کی اور افغان مسئلے کے سیاسی حل کیلئے مذاکرات کا طریقہ اختیار کرنے پر بھی تبادلۂ خیال ہوا۔
I met with Pakistan’s NSA today to consult on regional connectivity and security, and other areas of mutual cooperation. We discussed the urgent need for a reduction in violence in Afghanistan and a negotiated political settlement to the conflict.
— Jake Sullivan (@JakeSullivan46) July 30, 2021
خیال رہے کہ اِس سے قبل وزیر اعظم کے مشیر برائے قومی سلامتی ڈاکٹر معید یوسف سرکاری دورے پر امریکا روانہ ہو گئے جہاں انہوں نے اپنے امریکی ہم منصب اور دیگر حکام سے پاک امریکا تعاون سمیت دیگر موضوعات پر گفتگو کیلئے ملاقاتیں کیں۔
حکومت کی جانب سے جاری ہونے والے اعلامیے میں 26 جولائی کے روز کہا گیا کہ ڈاکٹر معید یوسف دورے کے دوران پاک امریکا تعلقات اور دوطرفہ دلچسپی کے امور سمیت دیگر امور پر تبادلہ خیال کریں گے۔
مزید پڑھیں: وزیراعظم کے مشیر قومی سلامتی معید یوسف امریکا روانہ ہو گئے
