گوگل نیوز پر ہمیں فالو کریںچین کے قومی دن کی تقریبات کے موقع پر حکومتِ پاکستان نے پاک چین سرحد تین روز کے لئے بند کر دی ہے۔
امیگریشن چیک پوسٹ سوست کی جانب سے جاری نوٹی فکیشن میں بتایا گیا ہے کہ یکم اکتوبر 2019 کو عوامی جمہوریہ چین کا قومی دن منایا جائے گاایف آئی اے کے مطابق چین اورپاکستان کے بارڈر اینڈ پورٹ کنٹرول کے درمیان 22 مئی 2013 کو دستخط شدہ معاہدے کے مطابق پورٹ تین روز کے لیے بند رہے گا۔
نوٹی فکیشن میں کہا گیا ہے کہ ‘پورٹ یکم اکتوبر سے 3 اکتوبر تک 3 روز کے لیے بند رہے گا اور خنجراب سرحد ہر قسم کی ٹریفک کے لیے تین روز تک بند رہے گی۔
ایف آئی اے کے مطابق ‘خنجراب سرحد جمعہ 4 اکتوبر کو معمول کے مطابق دوبارہ کھل جائے گی’۔
خیال رہے کہ آج چین کا 70 واں قومی دن منایا جارہا ہے جس کے سلسلے میں تین روزہ جشن بھی منایا جائے گا، یکم اکتوبر کو فوجی پریڈ کے علاوہ دفاعی ساز وسامان کی نمائش بھی کی گئی. امریکی صدر ڈونلڈ ٹرمپ سمیت عالمی رہنماؤں نے چینی قیادت کو مبارک باد بھی دی ہے. یومِ آزادی کے موقع پر دارالحکومت بیجنگ میں مرکزی تقریب ہوئی جس میں فوجی طاقت کا مظاہرہ بھی کیا گیا۔
