گوگل نیوز پر ہمیں فالو کریںپاکستان مرکزی مسلم لیگ کراچی کے زیر اہتمام شہرقائد کے مختلف علاقوں میں سبزی سہولت بازاراور فری میڈیکل کیمپس کا انعقاد کیا گیا۔
سبزی سہولت بازار سے سینکڑوں خاندانوں نے ہفتہ بھر کی سبزی، منڈی کے داموں خریدی۔ نارتھ ناظم آباد و گلشن اقبال ٹاؤن میں فری میڈیکل کیمپس کا بھی انعقاد کیا گیا۔ جہاں مریضوں کا فری چیک اپ اور مفت ادویات فراہم کی گئیں۔
غزہ کی صورتحال پر عالمی کانفرنس مغربی ملکوں کی منافقت کی وجہ سے بے نتیجہ ختم
شہرقائد کے باسیوں نے مرکزی مسلم لیگ کے عوامی سہولت منصوبوں کو سراہا۔ مرکزی مسلم لیگ کراچی کے صدراحمد ندیم اعوان نےسبزی سہولت بازاروں اور میڈیکل کیمپس کا دورہ کیا۔
اس موقع پر احمد ندیم اعوان کا کہنا تھا کہ ملک میں ایک بار پھر الزام تراشی کی سیاست کا سلسلہ شروع ہونے والاہے۔ اقتدار پر نظریں جمانے والے نا اہل و کرپٹ سیاستدان کئی سال عوام پر حکمرانی کرنے کے باوجود عوام کو سہولت فراہم نہیں کرپائے۔
انہوں نے کہا کہ پاکستان مرکزی مسلم لیگ نے ہمیشہ عوام کی سہولت کو مقدم رکھا ہے۔ کراچی سمیت ملک بھر میں عوامی سہولت کے منصوبے ہماری عوامی خدمت کے گواہ ہیں۔
انہوں نے کہا کہ ہم سیاست میں آئے ہی عوام کی خدمت کی خاطر ہیں۔ ہم مروجہ سیاست کو عوامی خدمت کی جانب موڑ کر دم لیں گے۔ عوام کو سہولت فراہم کرنا عوام کا بنیادی حق ہے۔
