گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ اپوزیشن کے پاس وزیرِ اعظم عمران خان کے خلاف کوئی حکمتِ عملی اور پلان نہیں ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ اپوزیشن کے پاس نہ کوئی حکمتِ عملی ہے نہ پلان، انہوں نے استعفوں سے بات شروع کی اور پھر جلسے شروع کردئیے۔ اب جلسے بھی ختم ہو گئے تو تحریکِ عدم اعتماد پر گفتگو کا آغاز کردیا ہے۔
وفاقی وزیر فواد چوہدری نے اپوزیشن کو مخاطب کرتے ہوئے کہا کہ کس مائی کے لال کی جرات ہے کہ وزیرِ اعظم کے خلاف تحریکِ عدم اعتماد لائے؟ کیا پدی اور کیا پدی کا شوربہ، آپ تاعمر قید اور نااہلی سے بچ گئے تو غنیمت سمجھئے گا۔
اپوزیشن کے پاس نہ کوئ حکمت عملی ہے نہ پلان، استعفوں سے شروع ہوئے جلسوں پر رکے اب وہاں بھی بس ہو گئ تو عدم اعتماد کی گفتگو، کس مائ کے لال کی جرآت ہے وزیر اعظم کیخلاف تحریک عدم اعتمادلانے کی، آپ تاعمر قید اور نااھلی سے بچ گئے تو غنیمت سمجھئے گا،کیا پدی اور کیا پدی کا شوربہ
— Ch Fawad Hussain (@fawadchaudhry) January 24, 2021
وزیرِ سائنس وٹیکنالوجی فواد چوہدری نے کہا کہ یہ حیرت کی بات ہے کہ وزیرِ اعلیٰ یا کوئی سرکاری حاکم کہے کہ میں آپ کو جوابدہ نہیں ہوں۔ وزیر ہو یا وزیرِ اعلیٰ ہر شہری کو جوابدہ ہے۔
فواد چوہدری نے کہا کہ وفاقی وزیر کی حیثیت سے آئین کے آرٹیکل 149 اور دیگر شقوں کے تحت کوئی افسر اور وزیرِ اعلیٰ وفاقی حکومت کی انکوائری سے روگردانی نہیں کرسکتے۔ جواب دینا ہوگا۔
یہ حیران کن ہے کہ وزیر اعلیٰ یا کوئ پبلک آفس ہولڈر کہے کہ “میں آپ کو جوابدہ نہیں ہوں” وزیر ہو یا وزیر اعلیٰ ہر شہری کو جوابدہ ہے وفاقی وزیر کی حیثیت دے Art 149 اور دیگر شقوں کے تحت کوئ آفیسر اور وزیراعلی ٰ وفاقی حکومت کی انکوائری سے روگردانی نہیں کر سکتاجواب دیں
— Ch Fawad Hussain (@fawadchaudhry) January 24, 2021
یہ بھی پڑھیں: تعلیم کا عالمی دن اور خواندگی کے چشم کشا اعدادوشمار
