نکاٹی ونکائی کا محسن پاکستان ڈاکٹر عبدالقدیر خان کے انتقال پر اظہار تعزیت

کراچی :محسن پاکستان ڈاکٹر عبدالقدیر خان کے انتقال پر نکاٹی اورنکائی کے رہنماؤں نے تعزیت کا اظہار کیا ہے۔

نارتھ کراچی ایسوسی ایشن آف ٹریڈ اینڈ انڈسٹری کے صدر فیصل معیز خا ن، سینئر نائب صدر شبیر اسماعیل، نائب صدرنعیم حیدر، سید عثمان علی، سید طارق رشید،نارتھ کراچی انڈسٹریل ڈیولپمنٹ اینڈ مینجمنٹ کمپنی(نکائی) کے سی ای او صادق محمد، چیئرمین بورڈ فراز مرزا اور اراکین منیجنگ کمیٹی نے فخر پاکستان اور محسن پاکستان ایٹمی سائنسدان ڈاکٹر عبدالقدیر خان کے انتقال پر گہرے رنجم وغم کااظہار کرتے ہوئے ملک وقوم کے لیے ایک ناقابلِ تلافی نقصان قرار دیا ہے۔

مزید پڑھیں:

ڈاکٹر عبدالقدیر خان کے انتقال پروزیراعظم اور صدر علوی سمیت سیاسی رہنماؤں کا اظہار تعزیت

قوم ڈاکٹر قدیرخان کی ہمیشہ مقروض رہے گی، ڈاکٹر جمیل احمد خان

اپنے بیان میں انہوں نے کہاکہ ڈاکٹر عبدالقدیر خان نے پاکستان کو ایک ایٹمی طاقت بنا کر ناقابل تسخیر بنا دیا جو قوم کے لیے ایک انمول تحفہ ہے اور قوم ان کی خدمات کو ہمیشہ یاد رکھے گی۔

نارتھ کراچی ایسوسی ایشن آف ٹریڈ اینڈ انڈسٹری دکھ کی اس گھڑی میں مرحوم کے اہلِ خانہ کے ساتھ ہے اور دعاگوہے کہ اللہ تعالیٰ ڈاکٹر عبدالقدیر خان کو جنت الفردوس میں اعلی مقام عطا فرمائے۔ (آمین)

واضح رہے کہ محسن پاکستان ڈاکٹر عبدالقدیر خان رضائے الٰہی سے انتقال کر گئے تھے، ان کی طبیعت کافی عرصے سے ناساز تھی۔انہیں آج صبح طبیعت زیادہ بگڑ جانے پر کے آر ایل اسپتال منتقل کیا گیا تھا جہاں وہ انتقال کرگئے۔