گوگل نیوز پر ہمیں فالو کریںراولپنڈی کے مشہور و معروف ہولی فیملی ہسپتال کے لیبر روم سے ڈلیوری کے بعد نوزائیدہ بچہ غائب کردیا گیا ہے۔
تفصیلات کے مطابق گجرات کے رہائشی شہری کی بیوی کو زچگی میں پیچیدگی کے باعث پہلے جہلم کے ڈی ایچ کیو ہسپتال اور بعد ازاں ایک نجی ہسپتال منتقل کیا گیا تھا۔ دونوں ہسپتالوں میں الٹرا ساؤنڈ سے شہری عثمان عارف کو جڑواں بچوں کی متوقع پیدائش بتائی گئی تھی۔
اہلِ خانہ کے مطابق ہولی فیملی ہسپتال راولپنڈی کے عملے نے بھی الٹرا ساؤنڈ میں 2 بچوں کی متوقع پیدائش ظاہر کی تاہم آپریشن کے بعد 1 بچہ تو حوالے کردیا گیا، دوسرا غائب تھا۔
شہری عثمان عارف کے اہلِ خانہ کا کہنا ہے کہ ہسپتال کے عملے نے ہولی فیملی ہسپتال کی رپورٹس اور دیگر کاغذات بھی غائب کردئیے۔ ہم گزشتہ 2 روز سے بچے کی حوالگی کا مطالبہ کر رہے ہیں لیکن کہیں شنوائی نہیں ہو رہی۔ بچہ کہاں گیا؟ کچھ نہیں کہہ سکتے۔
یہ بھی پڑھیں: چوری کی گاڑیاں راولپنڈی پولیس کے حوالے کر دی گئیں
