گوگل نیوز پر ہمیں فالو کریںنیٹ فلکس نے ناظرین و سامعین کو مسحور کردینے والی دلچسپ فلمز کی نئی فہرست جاری کردی ہے جس میں شامل 5 دلچسپ سیریز ایسی ہیں جن کے نئے سیزن شائقین کا دل لبھائیں گے۔
اچھی خبر یہ ہے کہ شائقین کی بڑی تعداد جن سلسلوں کو پسند کر رہی تھی، نیٹ فلکس نے آئندہ ماہ سے ان کا ناظرین و سامعین سے منقطع کیا گیا رابطہ بحال کرنے کا فیصلہ کیا ہے جن میں سے 5 دلچسپ سلسلے مندرجہ ذیل ہیں:
ایملی اِن پیرس
للی کولنز ایک خوبصورت حسینہ کے روپ میں جلوہ گر ہو کر فرانس سے مسحور نظر آتی ہیں، ایملی اِن پیرس کے دوسرے سیزن کو 22 دسمبر 2021 سے نیٹ فلکس پر شروع کیا جائے گا۔
دی وچر
تیار ہوجائیے۔ جادوگر کے روپ میں گیرالٹ، ینیفر اور کری سمیت دیگر فنکاروں نے سیزن 2 کیلئے کمر کس لی۔ 17 دسمبر 2021 سے نیٹ فلکس کی وچر سیریز دوبارہ شروع کی جائے گی۔
برجرٹن
آئندہ برس 21 جنوری 2022 سے شروع ہونے والی نیٹ فلکس کی برجرٹن سیریز کے سیزن 2 کیلئے بھی تیار رہیں جس کے پہلے سیزن کو بھی ناظرین نے بے حد پسند کیا جس کے بعد دوسرے سیزن کے آغاز کا فیصلہ سامنے آیا ہے۔
کوبرا کائی
قبل ازیں کوبرا کائی کے 3 سیزنز کو نیٹ فلکس پلیٹ فارم پر پیش کیا گیا جنہیں بھرپور پذیرائی ملی۔ سیزن 4 رواں برس کے آخری روز یعنی 31 دسمبر سے پیش کیا جائے گا۔
ٹائیگر کنگ
کیا آپ کو کیرول باسکن یاد ہے؟ ٹائیگر کنگ کے سیزن 2 میں ان کے کھوئے ہوئے سابق شوہر کی بازگشت سنی جارہی ہے جو رواں برس 17 نومبر سے نیٹ فلکس پلیٹ فارم پر پیش کیا جائے گا۔
یہ بھی پڑھیں: کولڈ پلے اور بی ٹی ایس کے نئے گیت مائی یونیورس کی ویڈیو ریلیز
